سكوب. علاش ناضت « انوي » ل"اتصالات المغرب » وعلاش هاد الشي ديالهم خاوي. خبير ل »كود »: راهم غير كيشوشو ومنوضين الصداع وهما راسلين اشعار ما محددينش حتى اش باغيين وكيحاربو ما هو مغربي وصافي

بعثت شركة « انوي » للاتصالات اشعارا انذاريا يدعو « اتصالات المغرب » الى الالتزام والامتثال بقرارات « الوكالة الوطنية لتقنين الاتصالات ».
هاد الشي كلو الشركة باغية « تقاسم البنيات التحتية » اللي كان بناتها وصايباتها « اتصالات المغرب ».
دابا ياك كاين قرار ديال الوكالة الوطنية لتقنين الاتصالات علاش ما تمشيش « انوي » تدعي « اتصالات المغرب ». حسب خبير في الاتصالات ل »كود » فان هاد القضية خاوية وانه لا « انوي » ولا « اورانج » او « ميديتل » سابقا عندهم شي رغبة او نية فهاد القضية « هما راهنو بزاف على الانترنيت من خلال 3 جي او 4 جي » يشرح مصدر « كود » قبل ان يضيف « دابا علاش هاد الشي خاوي حقاش كون بغاو الشركات هاد الشي يمشيو للوكالة الوطنية لتقنين الاتصالات او للمحكمة.
نقطة اخرى بالغة الاهمية يشرحها مصدر « كود » « المشكلة لكبيرة ان هاد الشركات ما حددوش اش بغاو. كيكولو تقاسم البنيات التحية اي يكريوها ولكن خاص فالاشعار يكون واضح محدد ماشي عام شامل » يشرح مصدر « كود » اللي على دراية بهاد الملف مزيان
المصدر لخص هذا الامر في تحليله ل »؛كود » بالقول « هادو غير كيغوتو. حاولو ينافسو الفاعل التاريخي اللي الدولة عندها فيه نسبة واللي واخا شراتو شركات اجنبية =فيفاندي سابقا واتصالات الاماراتية حاليا= بقى مغربي كيتحكم فيه المغاربة وفادارتو مغاربة. ودابا دايرين حملة وصافي ».
حاولت « كود » اكثر من مرة اخذ وجهة نظر « اتصالات المغرب » بخصوص هذا الاشعار دون جدوى