موضة. لمغاربة مبليين بالكلاسيكو. منهم اللي كيمشي فطيارة خاصة ومنهم كيمشي مع وكالات اسفار وقرابة 400 مغربي حاضرين لكلاسيكو اليوم والرحلة كتوصل حتى 50 الف درهم

"هادي ربع سنين لمغاربة ولاو كيحضرو للكلاسيكو (البارصا والريال) ولكن هادي عامين كثر العدد بزاف" يوضح فاعل سياحي ل"كود".
مباراة الليلة بين ريال مدريد والبارصا في سانتياگو بيرنابيو بمدريد يتوقع ان يحضرها قرابة 400 مغربي يوضح مصدر "كود" "هادو غير اللي مشاو مع وكلات اسفار ومن المغرب ماشي اللي ساكنين فاوربا"
هذه الظاهرة "حضور مباريات الكلاسيكو" بدأت لما لجأت شركات الاتصالات الى القرعة لربح تذكرة حضور المباريات قبل اربع سنوات خلت، يقول صاحب وكالة للاسفار ل"كود" "باش القضية بانت ممكنة واكثر من هذا بثمن اقل بدات الوكالات كتعرض باكيدج فيه الطائرة والاقامة وتذكرة المباراة" يضيف مصدر "كود".
الثمن يتراوح ما بين عشرة الاف درهم فيها ثلاث ليالي اقامة وتذكرة طائرة ذهاب واياب وتذكرة المباراة الى 50 الف درهم "الثمن طبعا كيتحكم فيه التذكرة واش فخطوط رخيصة الثمن ولا عادية ثم واش درجة اقتصادية ولا درجة اولى ثم الفندق واش عادي ولا خمسة نجوم واخيرا التذكرة واش عادية ولا فبلاصة مزيانة وكاين اللي عندو الامكانيات كيطلب لوج باش يتفرج مرتاح" يوضح مصدر "كود".
هناك فئة جديدة ظهرت في السنوات الاخيرة وهي فئة لمرفحين "هادوك كيبغيو يبانو وكيتلاقاو فالتيران، منهم اللي كيكري طيارة خاصة ومنهم اللي كيدي طيارتو. فالتيران كيكون عندهم لوج ديالهم، بالنسبة ليهم الفراجة غير واجهة باش يفوحو على بعضياتهم وصافي" يوضح مصدر ل"كود"، ثم يضيف ثم هناك فئة اخرى وهي اطر مؤسسات خاصة كبيرة، اذ تنتقي الادارة اطرها وتمنحهم تذكرة ذهاب واياب درجة اولى وفندق مصنف خمسة نجوم وتذكرة في الملعب غالية هادي الشركة اللي كتخلص كلشي"
مصدر "كود" يتوقع ان يشهد الاقبال لم يعد مقتصرا على الكلاسيكو اذ يشرح ل"كود": "دابا كاين الشامبيانز ليك ومباريات في الدوري الانكليزي ولا مباريات اخرى للريال او البارصا في البطولة حتى هي عليها اقبال كيتزاد سنويا"