الفكر الداعشي للاسلاميين ودار اخطر من التدليك. شوفو كيفاش عمدة فاس كذب. اييه ما هدروش على التدليك ولكن قسمو النساء والرجالة ومنعو الجمع بينهما ودار فضايح اخرى ديال الفكر الداعشي وها كيفاش دار لقوالب مع محلات التدليك

عمدة فاس ادريس الازمي الادريسي كيربي فالدواعش وكيساهم فخلقهم بفكرو. القرار المتعلق بالحلاقة والتجميل للي صادق عليه مجلس المدينة اييه ما هدرش على التدليك لانه غالبا ما يتم استغلال الحلاقة للتدليك وهو جا سد هاد الشي.
الازمي قال ل"كود" ان ما تم تداوله لا أساس له من الصحة، مبرزا أن جدول أعمال دورة فبراير للمجلس الجماعي لم يتم التداول فيه لهذه النقطة.
وأشار عمدة مدينة فاس، ل"كود"، أن النقطة التي تم تداولها في جدول أعمال دورة فبراير تخص القرار التنظيمي لمحلات الحلاقة والتجميل وليس محلات التدليك، مضيفا أن مقرر الحلاقة يسمح بالاختلاط وأن القانون يسمح بمزاولة حلاقة الرجال والنساء معا داخل محل واحد إذا كانت المساحة كافية لذلك.
ولكن باش تجي تشوف علاش واقف هاد المجلس غادين تخلعو. فالفصل الخامس للي فيه شروط الاستغلال شوفو اش جا فالنقطة الثانية "يسمح بمزاولة حلاقة الرجال والنساء معا داخل محل واحد اذا كانت مساحة المحل كافية لاستيعاب الجنسين في جهتين منفصلتين" هادا واضح اولا ما باغيش يجمعهم وفكرو باين مريض مقسم الرجال والنساء لانه كيفكرو غير فالجنس والمرا عندهم عورة. هاد الشي علاش جا فهاد الفصل "جهتين منفصلتين". اش كتعني هاد الشي واضح الرجال بوحدهم والنساء بوحدهم.
ماشي غير هاد الشي فالفصل السادس النقطة الخامسة فيها "بالنسبة لمزاولة حلاقة الرجال فقط او النساء فقط يجب الادلاء للمصلحة المختصة بالتزام مصحح امضاؤه يقضي بعدم الجمع بين حلاقة الرجال والنساء بمحل واحد كما يحدد نوع الحلاقة المراد ممارستها بالمحل =رجال او نساء= كاين شي تقسيم كثر من هادا وواضح وباين