فيتو بنكيران على اتحاد لشكر زاد عقد مفاوضات تشكيل حكومة معقدة اصلا. تصريحاتو فبوزنيقة رد عليها العنصر: بغيتينا خود معانا لشكر

علمت "كود" كلمة عبد الاله بنكيران اللي جات فالتقرير السياسي المقدم للدورة العادية للمجلس الوطني لحزب العدالة والتنمية ببوزنيقة امس السبت زادت عقدت تشكيل الحكومة اللي اصلا واقفة وما تحركاتش هادي مدة. مصادر "كود" اوضحت ان تكرار رئيس الحكومة فيتوه على حزب الاتحاد الاشتراكي بقيادة ادريس لشكر لن يخرج المفاوضات من نفقها.
الامين العام لحزب الحركة الشعبية محاند العنصر امس ل"كود" يؤكد هذا المنحى. العنصر اللي معروف ايلى هدر علاش اكد باللي الحكومة خاصها الاتحاد الاشتراكي. طبعا كيعرف اش يكول والرسالة اللي بغى يدوزها لبنكيران: بغيتي حكومة راه الاتحاد الاشتراكي داخل.
هاد الابتزاز كما يسميه صحاب العدالة والتنمية رفضه ويرفضه بنكيران لحد الان واكده امس باش قال ان الاتحاد ما داخلاش.