مسلسل عبثية تشكيل الحكومة. ها الفخ اللي كيتمنى بنكيران ما يطيحش فيه: استمرار تماطل الاتحاد ويخليوه بينو وبين الاحرار. لشكر رفض حضور اجتماعات مع بنكيران ودابا كيكول ما عنديش عرض جدي

بعد الانتخابات التشريعية ونسبة التصويت اللي ما كانش كارثية وفنفس الوقت كانت اقل من 2011. غير هاد الانتخابات عندها طعم اخر. ربما لاول مرة في تاريخ المغرب الحديث ورغم كل ما تمت تعبئته وتجييشه تخسر مؤسسات في الدولة وينتصر المواطن بتصويته على حزب سياسي. انتخابات مرت في اجواء مشحونة جدا وما حادث مقتل مول الحوت مطحونا فكاميو الزبل قبل ايام بالحسيمة الا تعبيرا عن تلك الحكرة اللي حسو بها المواطنين قبل واثناء الانتخابات.
دابا سالات الانتخابات ولكن شي جهات فالدولة مازال كتخطط. حزب الاصالة والمعاصرة خرج بيان قال فيه حنا ما عندنا صلة لا من قريب ولا من بعيد باي حاجة عندها علاقة بتشكيل الانتخابات.
بنكيران رفض شروط دخول التجمع الوطني للاحرار. عارفين قصة الشروط منها عدم دخول حزب الاستقلال ومراجعة بعض النقاط الواردة في البرنامج الانتخابي للحزب ومراجعة حتي طريقة كلام رئيس الحكومة بنكيران. هاد الاخير كال كلشي ووقع نقاش سياسي وخرج الرئيس الجديد للاحرار كيوضح ويفسر.
اليوم كما قال قيادي اتحادي ل"كود" اليوم ان هناك مخططا من اجل الدفع بالاتحاد الاشتراكي الى عدم التصويت على المشاركة كي يفسح المجال امام التجمع الوطني للاحرار كي يدخل. هاد الشي ما كانش فاجتماع اللجنة الادارية للحزب اليوم بالرباط. كلشي باغي يشارك غير المشكلة ان لشكر كال خاصو عرض جدي بمعني كيقول لبنكيران وعطيني عرض جدي اي اجي كلس معايا فالطابلة. كلشي كيعرف بللي حميد شباط امين عام حزب الاستقلال ونبيل بنعبد الله امين عام التقدم والاشتراكية شحال من مرة دخلو فقضية دخول الاتحاد للحكومة غير لشكر كان كل مرة كيخوي بيهم. دابا مع الاجتماع الحزبي خرج هدرة اخرى.
الاتحاد لحد الان غير كيماطل. الاتحاديون باغيين يدخلو ولشكر باغي ما باغيش.
تبقى ورقة الاحرار بيد بنكيران. هاد الاخير باغي الاحرار يدخلو ولكن بلا شروط. خروج قيادي تجمعي في "الاحداث المغربية" هادي يومين كيقول ان عندهم تصور للهيكلة الحكومية فيه ضسارات كثيرة وفيه ان الاحرار ما غادين يغيرو خطتهم. بنكيران خاصو يترجل. ايلى فشل يدير حكومة يكول كلشي. غادي يكبر فعيون عباد الله