وا ابن عرفة ما بني على باطل فهو باطل. راه قلتيها الشعب المغربي اختار الصالح والفاسد نهار 7 اكتوبر وانت ما محلك من الاعراب اش درتي باش تكون رئيس حكومة

فين ما دار شي حاجة هاد ابن عرفة العدالة والتنمية كتعكس ليه. مداخلاتو فالبرلمان فاول جلسة شهرية فمجلس النواب منذ وصوله الى رئاسة الحكومة ما داها فيها حد. الناس ما مسوقينش ليه. هاد السيد اللي لعب دور ما غاديش ينساهش ليه التاريخ باش يطيحو برئيس الحكومة السابق الامين العام لحزبه العدالة والتنمية٬ جا البارح للبرلمان بلا حيا بلا حشمة وقال في رد على سؤال لحزب الاصالة والمعاصرة ان الشعب المغربي "يعرف من هو الصالح و الفاسد"، وانه "صوت يوم 07 أكتوبر وميز ما بين الصالح والفاسد وقال كلمته، مؤكدا أن حزب والعدالة والتنمية،الذي يرأس الحكومة اليوم، لم يشكل الأغلبية إلا بناء على تصويت المواطنين.
ابن عرفة اضاف في رده على تحميل الحكومة مسؤولية ما يجري في إقليم الحسيمة، من يسير أغلب الجماعات القروية وبلديات بإقليم الحسيمة،ومن يرأس الجهة ومجلس العمالة".
دابا انت كتقول باللي الشعب اختارك؟ شكون قالها ليك. حكومتك خرجات فظروف انت عارفها يعني ما غادي تقنع حتى مغربي بهاد صحوة الضمير واستحضار الصراع مع البام باش تقلب على عذرية سياسية.
انت وصحابك عارفين باللي الشعب ما اختاركمش انتوما اختار حزب يرأسه عبد الاله بنكيران. فالانتخابات الجاية جيبو امين عام ولا خودها انت ولا ربحتي ديك الساعة شي انتخابات عندك الحق تتكلم. دابا صعيب شي حد يصدق كلامك بعد ما شاف كلشي اللي درتوه لزعيمكم. الله يعطينا وجهك