وصعيبة حتى التعاويد. 2 من خدام الدولة غاديين يشرفو على تحقيق بخصوص تأجيل مشاريع منارة الحسيمة. وبزاف جيبو وزرا محبوبين ماشي لفتيت وبوسعيد ويرجعو اراضي الدولة بعدا وبعدا معروفين شكون كيتحكم فيهم من الاحزاب

هاد الشي ديال الحسيمة ما يبشرش بخير. بيان الديوان الملكي على تقليقة الملك فالمجلس الوزاري ما غادياش تحل المشكل. واش من المعقول اصدار تعليمات "لوزيري الداخلية والمالية، قصد قيام كل من المفتشية العامة للإدارة الترابية بوزارة الداخلية والمفتشية العامة للمالية، بالأبحاث والتحريات اللازمة بشأن عدم تنفيذ المشاريع المبرمجة، وتحديد المسؤوليات، ورفع تقرير بهذا الشأن، في أقرب الآجال".
اولا هاد الوزيرين بجوج فيهم مشكلة وخاصهم يحلوها. بجوج من خدام الدولة اللي ربحو اراضي باطل فالرباط. لا لفتيت لا بوسعيد يصلحو يديرو هاد الشي. ثانيا نقطة اخرى هادو معروفين شكون كيحكم فيهم من الاحزاب السياسية. راه تعيين لفتيت خطآ وراه مسؤول فالتصعيد اللي وقع فالريف. شكون قال للاحزاب السياسية داك التخربيق ديال الانفصال وهما كي الباباغاوات خرجو كيرددوه وكانو حطب الحراك اللي شعل العافية بالمنطقة.
دابا ما يمكنش لهادو يشرفو على شي حاجة. خاصهم يتحاسبو اولا. وهاد الشي ماشي معقول