شوفو هادا المثقف شحال جبان. الريف تنزف دما وسيدكم الطاهر بنجلون ماديها فبشرى الضو وكعطيها النصائح فموقع الماجيدي وا الانتهازي وحل فمك على الريف ولا غادي تعاود اسلوب تازمامارت

هاداك الكاتب الانتهازي الطاهر بنجلون اللي كيكتب فموقع محمد منير الماجيدي باش يدور الحركة خلى كولشي اللي واقع فالبلاد وكاليك باغي يعطي لبشرى الضوو النصائح فالصحافة. اولا شكون انت واش داك تعطي النصائح. بشرى بزاف عليك وهادوك النصائح زيدهم فيك.
واش الريف شاعل والدم كيسيل والعنف خدا مسار اخر ونهار العيد وحتى قبل وانت ماديها فامور ثانوية. هاديك قناة خاصة ولا ما عجباتكش زم فمك. علاش ما تكتبش فالريف السي المجتهد.
اه نسيت انك مثقف انتهازي. كتعرف علاش كتكتب ووقتاش. واش عقلتو على تازمامارت سيدكم الطاهر بنجلون ما عمرو حل فمو على هاد الملف الحقوقي الكبير. حتى جات المصالحة وتسنى سنوات ودار رواية على عزيز بينبين وناض الصداع عليها.
دابا بنجلون خاص هاد الحراك دوز عليه عشرين عام غاد يحل فمو. ياك مقيل فطنجة علاش ما تكونش مثقف بحال شي سيادك فالمغرب ودين هاد التوجه الخطير فالمخزن. كاليك بشرى الضوو ودروس فالصحافة. وبدا براسك وعطي ليه دروس فالاهتمام بقضايا تهم المغاربة