وزير فحكومة بنعرفة ولات عندو شعبية كبيرة. بوريطة محيح فالفايس بعدما حيح فواحدة من اخطر قلاع البوليساريو فالصحرا

ناصر بوريطة وزير الخارجية والتعاون شهرو هادا. ايام بعد خطاب الملك محمد السادس على افريقيا ف"ثورة الملك والشعب" واللي شكر فيها الديبلوماسية المغربية اي اثنى فيها على بوريطة٬ جا الشكر الشعبي او الاعجاب او الافتخار. هاد الشي جاء بعد الطريقة المهينة اللي تعاملات بها سلطات الموزامبيق مع الوفد المغربي الذي قاده بوريطة.
نشرحو اش وقع. كان اجتماع وزاري لمتابعة "تيكاد" =المؤتمر الدولي لطوكيو حول تنمية افريقيا= بالعاصمة الموزامبيقية مابوتو امس الخميس 24 غشت 2017. البوليساريو اللي ماشي دولة وبتواطؤ مع السلطات المحلية بغات تدخل باعتبارها دولة. المغاربة جراو عليهم. جا البوليس ديال هاد الدولة وما عندوش الحق حقاش المنظم هو اليابان واخا فهاد البلاد وضرب الوفد المغربي ودفعو. تكرفسو حتى اليابانيين حتى هما.
واخا هاكا دخل المغرب واعضاء الوفد دازت عليهم وكانت "كود" نشرات صور وفيديو على هاد الاعتداء. ناضت الموزامبيق عطات بادجات ديالها لناس البوليساريو. هاد الشي زاد طلع الدم لليابان. وزير خارجيتها اليوم كونو طارو اعاد التأكيد على موقف بلاده بخصوص عدم دعوة الكيان الوهمي لحضور أشغال مسلسل تيكاد لم يتغير، وجدد موقف طوكيو الرافض للاعتراف "بالجمهورية الصحراوية" الوهمية.
وأعرب وزير الشؤون الخارجية الياباني، خلال مباحثات، أمس، مع وزير الشؤون الخارجية والتعاون الدولي ناصر بوريطة، على هامش الاجتماع الوزاري لمتابعة تيكاد بمابوتو، عن "أسفه الشديد بخصوص الأحداث والاضطراب الذي شهدته الجلسة الافتتاحية للاجتماع الوزاري لمتابعة تيكاد". وأوضح في هذا السياق أن اليابان ستعمل على تسوية هذا المشكل التنظيمي بصفة نهائية، معلنا أن المؤتمر الوزاري المقبل لتيكاد سينعقد باليابان وأن مثل هذه الأحداث لن تتكرر أبدا. وأعرب المسؤول الياباني عن اندهاشه "لتحايل سلطات الموزمبيق على إجراءات الولوج من أجل إدخال أعضاء (البوليساريو) غير المدعوين عبر باب جانبي، ورفضها في الوقت ذاته ولوج وفود تتوفر على شارات وحصلت مسبقا على اعتماد رسمي"، مشيرا إلى أن أعضاء في السفارة اليابانية "تعرضوا بدورهم للتعنيف ". وبحسب المسؤول الياباني، فإن ذلك يمثل مشكلا أمنيا خطيرا. وفي هذا الصدد، احتجت اليابان بشدة لدى البلد المضيف عن هذا السلوك غير المقبول.
الجزائر وجنوب افريقيا دارو اللي فجهدهم باش تدخل البوليساريو وفشلو.
هاد الشي كلو بين باللي المغرب من خلال وزير خارجيته ناصر بوريطة ضرب ضربة صحيحة فاحد اهم مقالع البوليساريو وهي الموزامبيق. حيح وخرج رابح وخرجات الدول الداعمة للبوليساريو حادرة راسها.
اليوم كاين شكر لبوريطة. شكر لما قام به. اعجاب بطريقته. ديرو شي طلة على الفايس وتويتر تلقاو نماذج من هاد الاعجاب. فوقت بحال هادا صعيب تلقى اعجاب بشي وزير فحكومة ابن عرفة. دارها ناصر