اللقاء اللي دارو وزيري الداخلية المغربي عبد الوافي لفتيت والاسباني خوان اگناسيو زويدو اليوم بالرباط وتبعو تصريح صحافي ماشي هو الحدث المهم. اهم لقاء هو اللي تم بمقر المكتب المركزي للابحاث القضائية "اف بي اي" بسلا واستاضف فيه عبد اللطيف الحموشي المدير العام للمديرية العامة للامن الوطني ومدير المخابرات المغربية "ادارة مراقبة التراب الوطني" كلا من خوسي لويس اليفيرا مدير مركز المعلومات حول الارهاب والجريمة المنظمة "سيتكو" والجينرال بابلو صالاص رئيس قسم الاستعلامات ديال "كوارديا سيفيل" وانريكي بارون مراقب عام للمعلومات بالبوليس الوطني الاسباني. هاد اللقاء اللي قدم موقع "دوزيم" منو شي 22 ثانية باين كلشي كان فيه. لخبار التنسيق المعطيات الاخيرة. باش كان وزير الداخلية الاسباني كيشكر فالمغرب وفدعمو وفتنسيقو فاحباط شي 12 عملية ارهابية والتمكن من اعتقال او تتبع 167 شخص فهاد الشي بفضل الحموشي والجهاز اللي كيشرف عليه رابط الفيديو
