رونار تعدى على اللاعبين ديال الرجاء والوداد قبل كأس العرش

بات مرجحا أن اللاعبين ديال الوداد الرياضي لمشاو مع المنتخب المغربي لسويسرا باش العبوا الماتش ضد كوريا الجنوبية، اغيبو على الماتش ديال الوداد مع بركان، لأنهم غادي ارجعوا معطلين اليوم في ليل للمغرب.
ومراعاش رونار للاعبين ديال الوداد والرجاء لعندهم ماتش في كأس العرش ضد نهضة بركان، وضد الفتح، وأخر العودة للمغرب حتى ليوم بليل، مع العمل أن الماتش لعبوه البارح مع الظهر.
ومغاديش القاو اللاعبين ديال الوداد رحلة ليوم بليل باش امشيو في الطائرة لبركان، لأنهم ميقدروش امشيو في السيارات، خصوصا أنهم عيانين والطريق طويلة، وفي حال إلى ملقاوش الرحلة جوية بليل مغاديش العبوا الماتش ضد بركان.
وغادي اقدر اغيب على الوداد كل من اسماعيل الحداد، ومحمد أوناجم، ومحمد الناهيري، لتصاب أصلا البارح مع المنتخب ومكملش الماتش.
بالمقابل اللاعبين ديال الرجاء وخا غادي اجيو معطلين غادي امشيو باش العبوا لأن الماتش ديالهم غادي العبوه في الرباط، وغادي امشيو مباشرة من مطار حمد الخامس إلى الرباط باش التحقوا بالفندق لفيه الزملاء ديالهم.