سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
كيفاش تقبلو لمغاربة هاد الزلزال السياسي اللي دا 4 الوزراء حاليين 5 قدام. الناس تصدمات على قبال حصاد وبنعبد الله والوردي وفرحانين على قبال الحيطي والمبادرة كلها
احمد الطيب الرباط وسعيد الشاوي كازا //// ما كانش شي حد البارح فالمغرب ما تفاعلش مع الزلزال السياسي اللي دارو الملك ومشاو فيه 4 الوزرا حاليين و5 قدام. قهوة بار طوبيس طاكسي دار مطعم طائرة باطو الزنقة كلشي كيهدر على هاد الشي. طبعا فهاد الهدرة كاينة تساؤلات ديال المواطنين العاديين على القضية. الغالبية العظمى اللي هدرات معاهم كود مع فكرة الزلزال وعجباتهم بزاف بزاف وبغاوها اسلوب للردع لارجاع الثقة كيف قال مواطن ل"كود". المشكلة فالاسماء. ايلى كانو لخوانجية فرحانين برحيل حصاد من وزارة التربية الوطنية واعتباروه نصر ليهم حقاش كيقولو جا يحاربهو وهو جا يحيد هيمنتهم على القطاع٬ فان غالبية المغاربة بقى فيهم الحال. ما فهموش مسار بحال ديال محمد حصاد يسالي بهاد النهاية. تعاطفو معاه وبقى فيهم واخا شي وحدين كيقولو اييه كان عندو مسؤولية حقاش كان وزير مالية ثم اضافو علاش ما داروهاش مع محمد بوسعيد وزير المالية اللي جبدو التقرير. نبيل بنعبد الله الامين العام لحزب التقدم والاشتراكية وزير السكنى وسياسة المدينة كان عندو موقف اخر. كثير بزاف اعتبابرو ما تعرض له ضريبة تحالفه مع بنكيران. عارفين ان هاداك التحالف هو اللي جاب ليه الضربة "طيلة الحراك فالحسيمة السكن ما كانش اولوية كبيرة. الشغل والصحة والتعليم هي علاش خرجو ناس الحسيمة. علاش بنعبد لله ضربوه" يتحدث مواطن ل"كود". شي وحدين بقى فيهم الحسين الوردي وزير الصحة. "هاد السيد حس باللي القضية ما غادياش تسالي على الخير وبغى يستاقل. فاول حكومة بنكيران. ولكن الزغبي خدم ودار فلوبيات الفساد فالقطاع اللي فيها اطباء ونقابيين وصحاب معامل الادوية. فالاخير هاد اللوبي صدر رابح" يفسر شخص اخر ل"كود" بحسرة ما وقع لهاد الوزير غير كاين اللي كيعتابر هاد الشي مزيان وخاص تضحية باسماء باش يكونو عبرة. لكن بزاف بزاف بقى فيهم الحال وكان اللي نشطو وفيهم نسبة مزيان على ما نالته حكيمة الحيطي٬ الوزيرة المنتدبة السابقة اللي كانت مكلفة بالبيئة. عندها جمهور كبير ما كيتقبلهاش
