تفاصيل صادمة عن يوم أسود ماتو فيه 15 ديال لعيالات بسباب گفة ب160 درهم

ارتفعت حصيلة قتلى فاجعة "سيدي بولعلام" ضواحي مدينة الصويرة. وحسب مصادر "كود"، فإن عدد القتلى وصل إلى حدود ظهر اليوم الأحد، إلى 15 قتيلاً وأغلبهن نساء. الفاجعة وقت بعد ازدحام على مساعدات غذائية، وزّعها أحد المحسنين على الفئات المعوزة.. الحصيلة وفق ما كشف عنه مصدر طبي ل"كود" مزال تقدر تطلع.
يوم اسود عاشوه نساء وأطفال ورجال فمنطقة "سيدي لولعلام" اللي تابعة للجماعة القروية تفتاشت. عودة إلى تفاصيل الفاجعة ككل سنة كتعطى مساعدات غدائية يستفد منها عائلات اللي مفحالهوش مساكن وهادشي كدعمو جمعيات خيرية ومكلف بيه أحد المحسنين.
ووفق لما كشفت عنه مصادر "كود"، فإنه تم تخصيص صباح اليوم "قفة" لك عائلة. الثمن ديالها وصل بحوالي 160 درهم. . هاد السنة جاو بزاف ديال الناس اللي محتاجين لهاد القفة لا سيما انهم جاو من بلايص بحال آسفي وشيشاوة وبلايص اخرى.. الفئات المستفيدة جاو خلال الساعات الأولى من صباح اليوم.
هاد المساعدات فيها الشاي والسكر والدقيق والزيت ووقعت حالة ديال الهجيان وكولشي بغا يستافد. الله يكون فلعوان لكن هادشي كان خاص السلطات تشرف على التنظيم ديالو وغير بلعقل باش دوز الامور هادنة لكن التحقيق غادي يبين شكون المسؤول هادشي.