التشوميرة. 40 بالمائة من صحاب الشواهد مشومرين و60 بالمائة عايشين بالفلاحة

قال أحمد الحليمي المندوب السامي ديال التخطيط أنه 40 بالمئة من المغاربة عايشين من الفلاحة، و معدل النمو من عام 2001 حتل 2005 مفاتش 4,5بالمئة.
الحليمي قال فالندوة لي عرض فيها النتائج ديال دراسة حول خلق الثروة بالمغرب وتوزيعها لي قدتها المندوبية السامية للتخطيط، أنه 70 بالمئة من المغاربة لي عندهوم سن الخدمةولي واصل العدد ديالهوم ل24 مليون نسمة، ولي خدامين هو عدد قليل منهوم، بل أنه حتى الشباب لي عندهوم شواهد عليا البطالة دربات 60 بالمئة منهم، أم العيالات براه 40 بالمئة مخداماتش.
المفارقة لي لقتها هذ الدراسة حسب ما صرح به الحليمي هو أن القطاعات لي المستوى ديال الإنتاجية فيها طالع هي القطاعات لي فيها اليد العاملة ناقصة أو تتنقص، بينما فالقطاعات لي فيها اليد العاملة كثيرة بحال الفلاحة والصناعة نازل فيها المستوى الإنتاجي بحال قطاع البناء والأشغال العمومية والصناعة التقليدية.، هدشي باش مفروض على المغرب ينمي التنوع النسيج الإنتاجي ديالو، خصوصا فالميدان الفلاحي والصناعة والمقاولات.
الهدف من الدراسة هو باش يشوفو الانتاجية بالمغرب لي تيساهم فيها رأس المال والخدمة وأيضا فائض الإنتاجية لي تيتواجد بزاف فالفلاحة ولي تيستافد منو هو العامل ديال رأس المال أما فالقطاع الغير فلاحي فلي تيستافد منو هو اليد العاملة حسب ما صرح به الحالمي من بعد الندوة.