فضايح قطاع الصحة غادية وتخناز. بعد تصوير ممرضتين لمريض كيمارس العادة السرية طبيب فالقطاع الخاص صور عملية استخراج مونادا من دبر مريض وكيضحاك مع صحابو

فضايح الاطباء وقطاع الصحة غادية وتكثار. شوهتهم وضربهم لقسم ابوقريط واهانتهم للمريض. بعد اسبوع على فضيحة ممرضتين بمستشفى بالجديدة كيصورو مريض وكيسبوه بل صورو حتى وهو كيمارس العادة السرية ومن بعد فتحو تحقيق وشدو وحدة وطلقو لخرا بان فيديو اخر هاد المرة مصور فعيادة خاصة واللي صورو هو الطبيب وصحابو.
الفيديو كيبين عملية دارها طبيب على راجل دخلات كانيطة ديال فانتا فدبرو. الطبيب واللي معاه فرحانين وشادين فيه بوضاعة وحقارة وانعدام تام للانسانية وخرق فاضح لكل المواثيق الانسانية. هاد المريض اللي كيبان من كلام الاطباء انهم مغاربة٬ من حقو يدعيهم وفدولة كتحتارم راسها خاصهم يشطبو على هاداك الطبيب من المهنة حقاش اساء ليها
دابا لمغاربة ما عندهم اصلا مع الاطباء وتصرفات بحال هادي كتزيد تكرههم ففئة دايرة اللعابة بزاف على ظهر صحة المواطنين