بوانو ل"كود": احتجاج البارح مدفوع سياسيا وماديا وحنا مجلس بلدي اش من علاقة عندنا بمشكلة بين شركة وعمالها وعلاش يوقفو دورة المجلس وكيفاش كيطلبو نلغيو الانشطة الثقافية ونعطيوهم فلوسها واش هاد الشي عندو شي منطق

اتهم عبد الله بوانو عمدة مدينة مكناس القيادي في حزب العدالة والتنمية جهات لم يسمها بالوقوف على استهداف المجلس البلدي بمكناس بعد اقتحامه من عمال وعاملات ما بقاوش خدامين فالشركة. بوانو اوضح ل"كود" ان هناك "اطراف كثيرة عندها مشاكل مع اصحاب الشركات لكن ما كتوصلش لدرجة اقتحام مجلس بلدي وتوقيف دورة". واضاف عمدة مكناس ل"كود" ان احتجاج البارح "مدفوع سياسيا وماليا" علاش كيحتجو فبلاصة الخطأ. "لو القضية عندها علاقة بالاضاءة ولا الانارة ولا المناطق الخضراء ولا النقل الحضري…. اي شي حاجة عندها علاقة باختصاصات المجلس البلدي مرحبا"
كما اتهم بوانو في تصريحه ل"كود" قيام نقابي معروف من "الكونفدرالية الديموقراطية للشغل" بالتصعيد. وا السي عبد الله راه خدمة نقابي هي هادي. بوانو اضاف ان هذا الشخص مولف يركب على الاحتجاجات الاجتماعية
قال العمدة انه استغرب مما تعرض له وتعرضت له مؤسسة دستورية =المجلس البلدي لمكناس= من احتجاجات عمال شركة.
واكد بوانو في حوار مع "كود" ان هؤلاء جاو للجماعة باش تدعمهم وانه تم تشكيل لجنة للدعم والتضامن. هاد اللجنة يضيف بوانو "تلاقات مع صاحب الشركة ومع العمال ونسقات مع الجهات المعنية بما فيها الحكومة من اجل ايجاد حل لهذه القضية". بوانو اكد ان اقتحام الجماعة من قبل المحتجين البارح وتعطيل دورة المجلس وتعطيل مصالح المواطنين اللي جاو يقضيو صوالحهم غير مبرر
واكد بوانو ل"كود" ان هؤلاء يعاتبونه على تصريح سابق كان ادلى به في "الاولى" في "قضايا واراء" نهاية السنة الماضية وقال فيه ان القضية ستعرف طريقها للحل".
واستغرب عمدة مكناس في تصريحه ل"كود" من مطالب هاد المحتجين "كيقولو علاش هاد الانشطة الثقافية والفنية للي كيدعمها المجلس وباغيين ياخدو فلوسها" كما استغرب من استهدافهم بشعارات وترويج انه هو واعضاء ن المجلس "علاش عندهم صداقة مع الانصاري" =الشركة= وتحدى كل من يسوق لهاذ التخربيق يثبت باللي دعمو الانصاري ولا غيرو
وفي سؤال ل"كود" حول ما اذا كان ندم وهو ورط راسو باش مشى بعيد فدعمو لهاد العمال باش دار لجنة دعم كيهم قضية نزاعهم مع صاحب الشركة٬ قال بوانو ل"كود" "حنا دعمناهم ولكن ما مشيناش بزاف". يمكن كان خاص شوية ديال المسافة.
وكان بوانو البارح نقدو غير البوليس اللي خرجو من المجلس البلدي بعد اقتحام المعتصمين من العمال والعاملات. طبعا تعرض للسب والشتم. لكل انواع الشتم