واش خاص حتى يغتاصب شي راقي بنت شي مسؤول كبير ، ولا شي وحدة عندها علاقات أو منتمية لشي حزب عاد تنوض عليهم الحملة

كاين فيديو كيدور فالفايس قديم شوية ، ديال راقي مغربي خاشي يدو بين رجلين واحد السيدة وباين قريب يقيس ليها الوالدة وقاليك كيخرج الجن الكافر منها ، وهي كتغوت وتوحوح وهو كيقول صافي هاهو شديتو وكيقرى القرآن، أي واحد يشوف الفيديو غادي يعرف أن البلاصة فين كان خاشي اللحية يدو وداك التوحيح لي طالع من السيدة راه ديال النقطة جي ماشي ديال الجن الكافر ، وأن الجنون حتى الى كانو راه ماغاديش يسكنو وسط لوطوروط ديال شي وحدة فين الداخل والخارج كثر مايقدروش حتى ينعسو على خاطرهم وديما فازكين .
ومن غير هاد الفيديو كاين فيديوات خرى كثيرة، ديال رقاة إيما معنقين شي وحدة تعنيقة ماشي تالهيه ديال التفزاك ، أو راكبين فوق منها أو كالسين يعبزو فبزازلها ، وهادشي كلو من أجل اخراج الجن الكافر ، لدرجة الفيزازي شد الطريق من طنجة للسبت كزولة باش يخرج الجن ليهودي ويدخل هو ساعة طلعات الدرية جنية حقيقية مشاتو على السراط المستقيم ، وديما كنسمعو أخبار على رقاة أو فقهاء أو مشعودين غتاصبو أو مارسو الجنس بالتراضي أو تحرشو ونصبو وابتزو ، ومع ذلك السلطة عمرها ناضت جمعات هاد الحزاق وسيفطاتو يتكمش ، ناس حالين محلات وكالسين يبيعو فالوهم والخزعبلات ويعبزو فبنات عباد الله وينيكو عيالات الرجال وهادشي جاري بيه العمل عندهم، ودايرين الفلوس من هادشي وكلهم عندهم قنوات فاليوتوب وصفحات فالفايس بمئات ألاف المتابعين، وكلهم عندهم فيديوات ديال كيفا شجاهم واحد كيعاني من الشلل ووللى كيمشي من بعد الرقية، وكيفاش داواو أمراض مستعصية ، وهادشي مستحيل وهذا راه نصب واحتيال وموثق بالصوت والصورة ، ومع ذلك مخلياهم ينيكو فعباد الله جسديا وماديا.
واش خاص حتى يغتاصب شي راقي بنت شي مسؤول كبير ، ولا شي وحدة عندها علاقات أو منتمية لشي حزب عاد تنوض عليهم الحملة ، واحد يبيع الزطلة لي هي منتوج وطني ويتشد فالحبس وواحد يبيع الغزعبلات لي هي منتوج بدوي ويغتاصب وينصب وينيك ومع ذلك يمكن ليه يمارس العمل ديالو بحرية ، ويفتح محال ويعلق بلاكة فالشارع مكتوب فيها هنا يوجد الراقي أبو كريط ، حتى لين غادي تبقى هاد البلاد سايبة لبحال هادو.