واخا قتلو السياسة فهاد لبلاد. حرب جديدة بين البي جي دي والبام هاد المرة فمديونة. شكون يجي فبلاصة مستاوي

بدات هاد الصباح بدا التصويت فاقليم مديونة فالانتخابات الجزئية لجهة الدار البيضاء سطات. فالحقيقة هادي معركة جديدة بين حزبي العدالة والتنمية والاصالة والمعاصرة. واحد فيهم غادي يدي هاد المقعد. الاحزاب لخرا ما عندهم. البي جي دي كان حيح مزيان فالانتخابات التشريعية فجهة كازا خاصة المدينة. دا 16 مقعد.
البام كان تبعو ولكن ربح فهاد الجهة اللي غادية وكترجع للتراكتور. دابا هاد الدائرة اللي فيها الانتخابات اليوم فيها 5 جماعات 3 فيهم ماديها البام ورئيس من هاد الجماعات اسمها سيدي حجاج هو اللي كينافس باش يربح مقعد اليوم. البي جي دي عندو شعبيتو. غير هي كلات العصا بعد الطريقة اللي تمت فيها التضحية برئيس الحكومة السابق عبد الاله بنكيران. مع ابن عرفة الحزب فقد بزاف من جاذبيتو.
البام حزب كلى لعصا حتى هو غير هو ماشي بحال البي جي دي. حقاش كيخدم بالاعيان وعندو فمديونة صلاح ابو الغالي اللي ولى كيرأس هاذ الجماعة وكيشرف علي الحزب فجهة الدار البيضاء ما عندوش هاديك الصورة لمقودة على قياديين ديال البام فبلايص اخرى.
البام والبي جي دي لاعبين ماتش صعيب اليوم. نشوفو اش غاديين يقولو ناس مديونة
للاشارة هاد المقعد كان شاغر بعد ان تم اسقاطه بسبب عدم اهلية رئيس مديونة السابق والبرلماني السابق الاستقلالي محمد مستاوي