فضايح الحكومة: الكاف والجامعة وقفو ضد استوزار لقجع وبوسعيد بقى فالاخير فالمالية بلا اقتصاد. وزير كيسمع من البام اكثر من حزبو ودار بيانات ضد حزب رئيس الحكومة

رئاستو للجامعة الملكية لكرة القدم وانتخابو فاللجنة التنفيذية للاتحاد الافريقي لكرة القدم بعد فوزي لقجع من منصب وزير المالية كان قريب منو بزاف بزاف. لقجع مراهن عليه المغرب فالكاف يقول احد المقربين منه ل"كود" لذا كان صعيب علينا بعد كلشي ما دار يتعين فمنصب حكومي.
المنصب الحكومي كان غادي يدخلو فتعقيدات اخرى. حقاش ما عندوش الحق يكون مسؤول حكومي ورئيس الجامعة وفق قانون الفيفا.
هاد المنصف فالاخير رجع لمحمد بوسعيد اللي كان فيه. بوسعيد اللي دار حروب كثيرة مع البي جي دي رجع للوزارة. يستحيل انه يبقى وزير للمالية لو ان بنكيران هو مول الحكومة. مع ابن عرفة العدالة والتنمية الجديد العثماني كلشي ولى عادي.
بوسعيد خرج بيانات ضد حزب بنكيران وكان كيسمع من البام اكثر من حزبو او حزب رئيس حكومتو.
في علاقة بالموضوع الاتحاد الاشتراكي عندو لحد الان عبد الكريم بنعتيق وبنعبد القادر ورقية الدرهم بينما الت وزارة الاتصال والثقافة الى الحركة الشعبية لحسن لعرج