واش هاد الشي غادي ينفع. ما علناتش على خفض الثمن. سانترال ليتيار للمغاربة: كنعتاذر واللي سب لمغاربة حتى هو غادي يعتذر

خسائر شركة “سانطرال ليتيار” جراء المقاطعة جعلتها تخرج للاعتذار، فقد أصدرت الشركة بيانا تعتذر فيه للمغاربة على ما اعتبرته قد بدر عن “مسؤوليها من تصريحات اعتبرها المواطنون مستفزة لأنها تحاول التشكيك في وطنيتهم”، في إشارة الى مديرها العام بنكيران اللي قال اللي قاطع المنتوج راه خيانة للوطن
وقالت الشركة نعتذر "لجميع المواطنين الذين شعروا بالإساءة من هذه التصريحات التي لا تعكس الموقف الرسمي للشركة".
باين اللي كتب ليها هادً البيان عندو نسبة غباء محترمة، حقاش بعد الاعتذار جبد المقاطعة واللي قال عليها باللي كانت مصحوبة “بمعلومات خاطئة حول زيادة مزعومة في الأسعار، فاجأت جميع متعاونيها وكانت مصدر تصريحات حادة من قبل أطر في الشركة".
شكون هاد العبقري اللي فتى عليهم هاد الفتية. واش المقاطعة كدار غير بالمعطيات الصحيحة. راه الفايك نيوز داخل فاللعبة. عِوَض يوقف عند الاعتذار زاد هاد التخربيقة وتبعها ان الشركة تحترم المستهلكين وان ثمن لحليب ما تزادش من يوليوز 2013، على الرغم من الزيادات المستمرة في تكاليف إنتاجه".
وزاد خربقها باش زاد " سنطرال دانون" غادية دير مجهودها باش ترضي “المستهلكين من خلال خدمة 78.000 نقطة بيع يومياً وتحفيز المنظومة الصناعية الفلاحية المكونة من 120.000 مربي الماشية الذين يمثلون 600.000 شخص في العالم القروي".
كود علمت ان بنكيران مديرها العام غادي يدير شي اعتذار ويسحب عبارة وصفه للمقاطعين بخونة الوطن
البيان فيه اعتذار ولكن واش كافي، حقاشً اللي مقاطع باغي تخفيض الأسعار ماشي التفسير ولفهامات