استعراضات البوليس او كيفاش قاد الحموشي ثورة فجسد كان مهلوك ورجع ليه النخوة وولى مفخرة للبلاد =البوم صور

ليلة أمس الأربعاء 16 ماي 2018 شهد المعهد الملكي للشرطة بالقنطيرة احتفال البوليس بالذكرى 62 لتأسيس المديرية العامة للأمن الوطني. بطبيعة الحال وبحال كل سنة فعيد البوليس كانو حاضرين مسؤولين كبار فالدولة. هاد الحفل ترأسه عبد اللطيف حموشي المدير العامة للأمن والمديري العامة لمراقبة التراب الوطني.
الكلاب المدربة وحاسة الشم:
فالاحتفالات ديال البارح كما تابعتها “كود” قدم المنظمون للحفل عرضا للكلاب البوليسية وبينات أن حاسة الشم عندها قوية وميمكنش تزكل شي لحشيش أو المؤثرات العقلية دوز عبر الحدود وتدخل لبلادنا.
بطبيعة الحال هاد الكلاب لي كتحظى بعناية خاصة بزاف بزاف ساهمت في سقوط العديد من أباطرة المخدرات خلال السنوات الماضية، سيما بالمعابر الحدودية كميناء طنجة المتوسط وطنجة المدينة وغيرها من المعابر.
وسائل وتجهيزات لوجستيكية متورطة:
الحفل ديال البارح بان فيه أن المديرية العامة للأمن الوطني ونظيرتها مديرية مراقبة التراب الوطني عنهوم وسائل وتجهيزات لوجستيكية باش دير المهام ديالها فأحسن الظروف وتنقد لبلاد من مخاطر كتتربص بيه مرة مرة. لكن فريق الحموشي شاد الخناق بزاف على المتطرفين وكل شهر تقريبا كنسمعو تفكيك ديال شبكة إرهابية جديدة كدير مخططات داعشية.
خطة الحموشي فتقيدم المزيد من الإصلاح داخل المفرق الأمني:
المدير العام للأمن الوطني سي الحموشي مزال مستمر فتطوير المرفق الأمني ومن انهار حط رجيله فهاد المؤسسة لكبيرة لي جايب ليها العز ودار الحكامة فمختلف المصالح التابعة لها سواء المركزية او اللاممركزة. الباح اكد الحموشي فالكلمة ديالو نيابة عنه مدير المعهد الملكي للشرطة ان مديرية الامن تواصل ورش تحديث هياكلها وبنياتها الأمنية، وتطوير منظومة التكوين الشرطي، والاستثمار في مواردها البشرية.
ماشي غير هادشي المديرية العامة للأمن الوطني، حسب مديرها عبد اللطيف حموشي، مزالة مواصلة تحديث المرافق الشرطية وتيسير الولوج إلى الخدمات الأمنية، فضلا عن مواكبة الامتداد العمراني والنمو الديموغرافي بالمناطق الحضرية الجديدة.
محاربة الجريمة بشتى أشكالها:
بالموازاة مع المجهودات لي كدير الاجهزة المغربية ديالنا باش تردع الداعشيين ومواجهة المخاطر الارهابية. كاين مجهود حقيقي لمكافحة الجريمة بشتى أشكالها. فقد تمكنت مصالح الأمن الوطني لأول مرة فالتاريخ ديالها 3 سنوات من إحداث وتجهيز 13 فرقة جهوية للأبحاث والتدخلات.
المهمة ديال هاد الفرق كتعلق بالأساس بتدبير التدخلات الأمنية فالقضايا الإجرامية الكبرى بحال الاختطاف واحتجاز الرهائن وتفكيك ديال الشبكات الإجرامية. هاد الفرق المحدثة مؤخرا كتقدم كل أشكال الدعم للوحدات الأمنية اللاممركزة فالقضايا الموسومة بالتعقيد وبيانت النجاعة ديالها فعدد الكدن المغرب بحال فاس وطنجة وغيرها.
عروض أمنية كتبين أن البوليس ديالنا قاد على كولشي:
تابعت “كود” ليلة أمس الأربعاء فالمعهد الملكي للشرطة بالقنطيرة بهاد المناسبة ديال احتفالات البوليس بالذكرى 62 لتأسيسي المديرية العامة للأمن الوطني عروضا تبرز خبرات عدد من الوحدات الأمنية (فنون الحرب، الدراجين، الحراسة المقربة، الخيالة، وحدات التدخل. وغيرها من الفرق).
البارح تابعات “كود” عرض أمني ديال عملية مداهمة لتوقيف إرهابيين فواحد المحل. هاد التدخل تبجد فيه السلاح والعناصر الأمنية بينات الحنكة العالية ديالها وكيفاش تقدر تواجه هاد الارهابيين لي كانو مسلحين حتى هوما.
ها كيفاش نجحات هاد الاحتفالات:
بطبيعة الحال التنظيم كيف تابعات “كود” كان ناجح والفريق ديال المدير العام الحموشي عندو مع الخدمة وكيبغيش يضيع الوقت فالخاوي.. البارح كان كولشي مشغول ولي عندو شي مهام كيديرها.