ها اش قال بنعطية ورونار فسان بيترسبورگ: ماتش ايران وروح الفرقة واقالة مدرب اسبانيا ووو

رونار: شراف لينا نكونو هنا فكأس العالم مع عميدنا ومع عدد من المشجعين اللي غاديين يكونو حاضرين غدا فالسطاد باش يدعمونا. غادي يكون حفل كبير لينا
نتمنى نكونو فالمستوى باش نعطيو جهدنا.
بنعطية: هاد الشي راه واعر بزاف. حلم ولى حقيقة بالنسبة لكثير منا. هاد الشي وراه خدمة كبير. عشرين عام ما ترشحنا. راه مزيان هاد الشي.
باغيين نعطيو بزافت الفرحة للمغاربة اللي جاو لروسيا ولا اللي باقيين فالمغرب.
رونار: هاد الماتش مهم بحالو بحال كاع الماتشات. كل فرقة غادية تربح 3 نقاط ايلى ربحات. واخا لاعب مع فراقي كبار الماتش الثاني والثالث ولكن خاصك دير نتيجة مزيانة فاللقاء الاول. راه اساسي وحيوي.
رونار: باش يكونو عندك مواهب كروية بحال اللي عند اسبانيا يمكن اللي وقع للمدرب يؤثر شوية ولكن راهم لعابة بمستوى عالي بزاف وخاص كثر من هاد الشي باش تزعزهم
بنعطية: ماشي ساهل لبزافت اللعابة منا٬ ولكن فمسيرة كروية كتاخد اللي كتستحق.
المدرب وانا خدمنا بزاف وبزاف. عارفين اش دار باش نكونو هنا اليوم. درنا اللي خاصو يدار وحنا بلاد خاصها تحتارم وعندنا امكانيات كثيرة
رونار: بعض المرات تلعب خمسة الدقايق ولكن هاد خمسة الدقايق هي الاهم فمسيرتك. بعض المرات كيكون احباط فمجموعة وخاصك تنسى حظك اللي خاصك تستغلو
رونار على المدرب الهولندي الشهير فانغال: توصلت هاد الصباح بميساج منو. فرحان بزاف٬ راه شرف كبير لي من مدرب فانتاستيك. هاد الشي علاش هولندا دعمات المغرب =مونديال 2018= حقاش كاينين لعابة كثار كان ممكن يلعبو لهولندا
بنعطية: حنا مجموعة شابة وحنا عارفين كيفاش نضحكو. حنا من اصغر الفرق سنا فهاد المونديال٬ وما علينا حتى ضغط.
يمكن هادا اول واخر حظ فكأس العالم٬ راها مناسبة واعرة٬ خاصنا غير نلعبو الكورة وصافي.
رونار: حنا هنا ماشي باش نتصورو مع المأثر التاريخية فسان بيترسبورگ، حنا هنا باش نكونو منافسين.