بالصور: من ملعب سان بيترسبورگ: اللعابة لمغاربة دخلو للتيران والجماهير محيحة على برا والتيران مازال تقريبا خاوي وبرا الحيحة مغربية ايرانية والزين الفارسي فايتنا شوية

اجواء احتفالية زوينة خارج ملعب سان بيترسبورگ بروسيا كاينة دابا. النشاط الشطيح الشعارات الراية المغربية والايرانية. كلشي موجد لهاد العرس ديال بصاح. واخا التيران كيتفتح مع الثالثة اي 3 سوايع قبل الماتش فالمغاربة والايرانيين.
داخل الملعب مازال التيران خااااوووي. لاعبي المنتخب المغربي لكرة القدم دخلو قبل قليل للملعب تمشاو شوية وخرجو. مازال غادي يرجعو يدربو شوية قبل ما يدخلو للمعقول.
هنا كلشي فرحان ضرب مسافة طويلة بزاف باش يحضر للاسود. كاين اللي جاي معيد لابس الفوقية ولا الجلابة والطربوش كاع. اليوم العيد فالمغرب وحالف حتى يحضر للماتش بهاد اللباس.
ايران اللي كنشوفوها فهاد الماتش ما عندها علاقة بايران اللي كنعرفوها. بنات عاديات زوينات مع صحابهم مع رجالاتهم بوحدهم. متحررات كيشربو البيرا ماشي اثاي. الغالبية الساحقة ما عندهمش علاقة بنظام الملالي. تلاقات “كود” بايرانيات من امريكا بزاف من استراليا ومن دول اوربية.
لبنات المغربيات حتي هما حاضرات وبزاف. غير الزين الفارسي شوية غير شوية حسن من الزين المغربي. ختارينا ف”كود” تقدمو ليكم صور من جمالنا اللي كيطلعو النيفو. غير هو راه ايران جابو الزين.
لبنات المغربيات حتي هما حاضرات وبزاف. غير الزين الفارسي شوية حسن من الزين المغربي.