كلشي كيكره السعودية. لمغاربة والايرانيين اللي مواجهين اليوم بجوجهم قلبوها مشجعين لروسيا واحتافلو فالليل

قبل مواجهة اليوم بين المغرب وإيران وهي مواجهة بدات فمدينة سان بيترسبورگ بين جمهوري الدولتين. طبعا مواجهة فيها النشاط. كل جمهور كيصيح باسم دولتو. كيهز راية بلادو. اما وهو غادي فالشارع او باش يتلاقى جمهور الخصم فالشارع فالبار ….
غير حاجة وحدة جمعاتهم. يشجعو البارح الرواسة باش لعبو فافتتاح المونديال بموسكو.
الجمهور الايراني والمغربي نشطو في سان بيترسبورگ. فكاع لبلايص اللي تفرجو فيها مجموعين. فرحو خمسة المرات بالاهداف اللي تقبات السعودية
الإيرانيين ديما كيكرهو السواعدة ولمغاربة بتصرفهم الحقير معانا فالتصويت على مونديال 2026
اليوم فالعشية غادي كل واحد يشجع فرقتو ولكن لحد الان كيف لاحظت كود” كاينة الروح الرياضية. بحال لمغاربة الإيرانيين اللي تلاقاهم كود جايين من كاع بلدان العالم. كندا أمريكا واوربا ثم ايران، كلشي جاي يدافع على بلادو
ايران، المغرب، موسكو