هاد مدير “لارام” كارثة وصافي. دابا واحد كيدعي باللي صاحب الملك عطاه مدير لارام بيزنس ودخلة للتيران “ڤي اي بي” ليه ولخوه

علمت “كود” هنا فموسكو باللي المدير العام للخطوط الجوية الملكية عبد الحميد عدو اللي معدي علي هاد الشركة٬ قد منع جوجت الدعوات “ڤي اي بي” فالتيران لماتش غدا بين الاسود والبرتغال فملعب لوجيكي فموسكو لبناني مول “طابل دو مارشي” ولخوه. علاش؟ حقاش هاد بناني كيدعي باللي صاحب الملك وهاد عدو ما فيدوش ما عندوش كيعتاقد ايلى عطاه هاد الشي غادي يبقى فبلاصتو. الخواوار
وحسب مصدر “كود” فان هاد الشي ماشي كلشي. طبعا سيدي بناني جاي بيزنس كلاص فطيارة كازا موسكو اليوم مع خوه فابور ولوطيل فابور. نفهمها يعطيها لشي باطرون شريك للارام كتربح منو فلوس وفهاد المناسبة كتجيه هاد الهدية ولكن بناني عندو مطعم و ملايري حشومة وعار يعطيه هاد الشي. وتگولو علاش لارام فيها مشاكل