تعيينات عيانة. لعيالات محگورات وولاة وصلو للتقاعد ولا شوهو ولا بغاو يمشيو ما تبدلوش

قبل قليل توصلت “گود” باللائحة الرسمية للولاة والعمال الي غيتعينو بالإدارتين الترابية والمركزية اليوم فالقصرالملكي بفاس.
حتى امراة ماكاينة فالقائمة، فين المناصفة؟ وكيفاش فهاذ البلاد باغيين لبنات يمشيو للخدمة العسكرية وفالمناصب ديما مهمشينهم.
وتساؤلات اخرى كتطرح نفسها، بحال والي كازا، زهود عبد لكبير، اللي قال لكلشي باغي بمشي، وبقى فبلاصتو. ووالي لعيون بوشعايب يحضيه اللي عليه تهم كثيرة بقى حتى هو فبلاصتو.
ووالي الداخلة لمين بنعمر، اللي وصل لسن التقاعد، وواخا هكاك ما تبدلش. واضافة لوالي طنجة، محمد اليعقوبي، اللي كان ففترة الحراك، ومازال فبلاصتو.
وبلا مانهدرو على بعض العمال، بحال ديال سيدي إيفني الي كان فاشل فكلشي ودار احتقان وكافئوه بالداخلية، وصالح الدحا كافئوه بتاونات.