شباعتو لكود : انا لي ربحت شوباني في المحكمة والقرار الأخير كيقول ماشي من اختصاصات الشوباني يدير عزل الأعضاء والداخلية سبق ليها نبهاتو

قال سعيد شباعتو في حديث خاص لكود أن ما يروج بخصوص انصاف المحكمة للشوباني غير صحيح وتم تحريفه بالمطلق بحيث أن المحكمة قضت برفض طلبي لعدم قانونية قرار العزل الذي أصدره رئيس جهة درعة تافيلالت وهو ماةيعني ان شوباني ليس من حقه عزل اي واحد وان قراره غير سليم قانونا.
وأضاف شباعتو أن الدعوى في المحكمة الادارية فمكناس لي دار شوباني طلب فيها من المحكمة تحكم أن المنصب ديالي في الجهة شاغر واللائحة ديالي غير قانونية، ولكن نسا بأن معندوش صفة ، شكون كيعزل وكينفذ الأحكام في الانتخابات راه الداخلية ماشي الشوباني والمادة 101 لي فيها اختصاصات الرئيس مفهاش هادشي وهو غير معني.
هاد شوباني مكلخ واخا تيدير دكتوره في القانون ناض دار قرار بالعزل قبل متصدر المحكمة الحكم ديالها طلب بشغور المنصب
في الدورة ولكن الوالي جاب معاه رسالة وزارة الداخلية تتقول بعدم أحقيته في العزل.
وفي 17 يوليوز المحكمة دارت ليه عدم قبول الطلب ، بحكم أن قراره ليس بقرار إداري ولا يرقى ليكون قرار اداري وهو مجرد خبر لا يلزم أحد، أنا قبل هذا الحكم، يضيف اشباعتو، درت طلب إيقاف تنفيذ قرار رئيس المجلس والمحكمة قالت لي قرار الشوباني ليس بحكم إداري حتا يكون قرار إداري غاد نفكرو في تنفيذ .
قرار عزلي من المجلس فيه تطاول على اختصاصات الوالي وهاد التطاول كتادي للعزل ويلا بغا يطبقها الوالي راه غيتعزل .
دابا غدا المحكمة غتفصل في دعوى الموضوع غتصدر قرار ديالها وغالبا غتمشي مع سباق القرار اللول وفي نفس الوقت كنتسناو غدا المحكمة تدير قرار إلغاء الدورة لي حنا محضرناش ليه