سعاد حسن: ماتلي ولدي بالكونسير وبنتي في كسيدة ولكن مغاديش نستسلم

المغنية سعاد حسن اختارت مجموعة فايسبوكية باش تدوي على العودة إلى الأضواء، وبعض تفاصيل حياتها الشخصية.
كلشي بدا ملي غنات أغنية “أمري لله” للنجمة نعيمة سميح. الفيديو دار البوز وكان نقطة ضوء في مسارها كفنانة طفات شمعتها سنوات هادي.
سعاد حسن بدات لغنا قبل 40 عام مع سميرة سعيد وعبد الوهاب الدكالي وعبد الهادي بلخياط، وجورج وسوف وزيد وزيد، لكن مات ليها الحوت شوية ومبقاتش معروفة، قبل ما يخرج فيديو ديالها كتغني “أمري لله” لي دار بوم، واعتبرات أنها كان لازم عليها تسنا سنوات باش ترجع الأضواء.
المغنية قالت في كروب “la superbe” في فيسبوك، أنها أم لخمسة ديال دراري، منهم ولد مات بالكونسير، وبنت ماتت في كسيدة، ورغم كلشي بقات قوية ومرجعاتش اللور، وغنات على مرض ولدها في جوج أغنيات وحدة “حتى ولفتو” والثانية “اش جرالو”.