دابا ماشي حشومة. البوليساريو تنشر فبيان شكون غادي يمشي لجنيف وخارجيتنا عطات الوفد لمجلة اجنبية

شي مسؤولين مغاربة تصطاو. ما كيتسوقوش للشعب. قضية المغاربة الاولى كيف رددوا لسنوات ياك هي الصحرا. كيفاش باش نعرفو الوفد المغربي المشارك في المائدة المستديرة اللي غادية تكون فيها البوليساريو والجزائر وموريتانيا والمغرب٬ عطاتها الخارجية لمجلة فرنسية “جون افريك”. اييه هاد المجلة هي اللي نشرات منين مكون الوفد المغربي. وزير الخارجية ناصر بوريطة ومدير المخابرات الخارجية “لادجيد” ياسين المنصوري ورئيسي جهتي الداخلة والعيون على التوالي الخطاط ينجى وحمدي ولد الرشيد =الصغير=.
للمفارقة اللي كيتبين غباءنا ان البوليساريو نشرات البارح فبياغ ديالها تشكيلة الوفد اللي غادي يحضر يومي خامس وسادس دجنبر اللي جاي فجنيف لهاد المائدة المستديرة.
الوفد غادي يترأسو خطري خطري آدوه، “عضو الأمانة الوطنية لجبهة البوليساريو، رئيس المجلس الوطني الصحراوي وفيه ثم امحمد خداد، “عضو الأمانة الوطنية لجبهة البوليساريو، رئيس لجنة العلاقات الخارجية للجبهة وفاطمة المهدي عضو الأمانة الوطنية للجبهة، الأمينة العامة للاتحاد الوطني للمرأة الصحراوية”، علاوة على سيدي محمد عمار، ممثل جبهة البوليساريو لدى الأمم المتحدة، ومحمد عالي الزروالي، “مستشار لدى الأمانة العامة لجبهة البوليساريو.