بالفيديو: العونيات صنعو الحدث ب”زيد آ المليك زيد زيد”. اغنية بسيطة ومحيحة برسائلها: بغيت ولادي يبقاو فبلادي وبلا قراية ما تعلى الراية وتهلاو فالشعب ما بغينا حرب وحيد الشياب دير الشباب

العونيات: زيد الماليك زيد زيد
Publiée par GOUD sur Dimanche 13 janvier 2019
العونيات عزاز على اللي كيبغي الحياة والنشاط وكيكره الهم والغم. مغنيات بسيطات كيخدمو بالطعارج وكيضبطو الايقاع بالضرب على المايدة ولا الصينية. كيغنيو علي الحياة. كيعشقو النشاط. هاد الليلة محيحات باغنية “زيد آالماليك زيد زيد”. طبعا كيهدرو علي الملك محمد السادس. كيكولو ليه برافو.
الاغنية محيحة فالفايس. خالقة نقاش. خالقة متعة. مفرحة اللي كيشوفها.
فكلمات هاد الاغنية كاين امور كثيرة. فالعونيات باغيين الملك يحيد الشياب ويدير الشباب وباللي باغيين السلام ماشي الوسام وباللي بالقراية تعلى الراية وباللي خاص لقراية باش ترفع الراية.
الشعب كيف كيصوروه العونيات “درويش باغي يعيش” وباللي بالاتفاق مع لحباب “نطردو الارهاب” وباللي بالاتفاق ديال هاد الشعب الدرويش قادرين نطردو داعيش”
هاد الاغنية قوتها فبساطتها وانتشارها فتلقائتها. ما قلبوش على الصعيب ولكن فهاد السهل كانت القوة وكان التفاعل لكبير مع كاع الفئات. اللي قاري واللي ما قاريش