أفتاتي ل”كود”: العنف معندو معنى ولكن الأساتذة المتعاقدين زادو فيه.. واش كاين شي حد كيحصل على الحقوق ديالو بهاد الطريقة

عبر عبد العزيز أفتاتي، القيادي المثير للجدل داخل حزب العدالة والتنمية، عن رفضه للتدخلات الأمنية فحق الأساتذة المتعاقدين ليلة الثلاثاء – الأربعاء. وقال في تصريح ل”كود”: “العنف دائما معندو حتى شي معنى وماشي منتج وخاص العودة إلى طاولة الحوار”.
وأضاف أفتاتي، قائلاً: ” المتعاقدين خاصهوم ينتباهو حقاش القضية ديالهوم فيها تعاطف واستنكار والامور ديالهوم خاصها تتراجع على مستوى الأكاديميات، وداكشي اللي وقع ليهوم ماشي معقول والدولة كتحمل المسؤولية ديالها”.
وعاتب أفتاتي الأساتذة، وقال على أنه مكاين حتى منعى لاعتصام مفتوح لمدة 4 أيام او اكثر. واضاف متسائلاً: “واش كاين شي حد كيحصل على الحقوق ديالو بهاد الطريقة، ودبا الحكومة التتزمت باش تراجع نظام التعاقد”.
وزاد أفتاتي: “خاص يكون جو ديال الطمأنينة باش يشتغل الموظف فراحتو حقاش كيشتغلو مع المجتمع والامة كولها، ونصف انهار او انهار ديال الإضراب باركة راه وصلات الرسالة. الآباء ينتظرون من الابناء ديالهوم باش يقراو”.