المهم ربحو الاسود والباقي تفاصيل نعاودوها ليكم

ماشي ضروري فاول ماتش فكأس افريقيا تلعب الكورة. الأساسي تربح 3 نقاط. هاد الشي اللي دارو الاسود اليوم بملعب السلام بالقاهرة فاول ماتش ليهم فكأس افريقيا للأمم فمصر.
بعد فوز جاء فالدقيقة الاخيرة وماركاه نامبي ضد مرماه، كيف كان الماتش؟ كود تعاود ليكم…
في الشوط الاول كانت اخطر محاولة شهدتها الدقيقة العاشرة بعد قذفة قوية لديرار خرجها حارس ناميبيا للتوش.
وبقينا حتى للدقيقة 16 باش شفنا أول محاولة للناميبيين. كورة بعيدة بشي 30 متر مشات فوق البوطو، وفالدقيقة 21 جات محاولة للنصيري وسط الكاري 18 وما استلغهاش مزيان، بعدها بدقيقتين كانت محاولة لزياش اللي فضل يضرب للبوطو على يعطيها لحكيمي ومشات بعيدة.
استمر الاسود فالضغط على ناميبيا وكيقلبو كيفاش يوصلو للشبكة. باش حسو بالدفاع صحيح بداو يتيرو من بعيد.
برد الماتش حتى الدقيقة 39 كانت محاولة زوينة من حكيمي ولاح الكورة ولكن الدفاع الناميبي بعدها، وتحركات نامبيا فالدقيقة 43 دارت محاولة مزيانة غير كانت تسلل، رد عليهم النصيري بعد دقيقة بتوغل عطى كورنير للاسود.
بعدها سالى الشوط الاول بصفر بمثله، والمباراة دازت فجو حار بزاف.
في الشوط الثاني ضغط الاسود في البداية كانت اخطر محاولة فالدقيقة 46 بعدها استمر الضغط فجاءت كرة لزياش فالدقيقة 52 شدها الگول الناميبي. بعدها بدقيقتين كانت محاولة ثانية لزياش، وضغط الاسود تزاد بقذيفة لحكيمي فالدقيقة 56.
رونار حس بالگول قريب، خرج بنريعة ودخل المهاجم بوفال.
بوفال ما تعطلش وضرب كورة زوينة فالدقيقة 60 شدها الحارس، بعدها نعس الماتش. رونار خرج ايت ناصر ودخل الأحمدي فالدقيقة 69. رجع الروح للماتش شوية بعد محاولة مزيانة لزياش فالدقيقة 72.
وفالدقيقة 78 تم تغيير النصيري ببوطيب، تغيير قلق الجمهور اللي صفر عليه وفنفس الدقيقة دار بوفال محاولة مزيانة
الاسود بانو كيقلبو على التعادل فباقي الدقائق، وسجل مدافع نامبيا هدفا ضد مرماه ليفوز المغرب بهدف لصفر.