عاجل. الاسود ربحو الكوت ديفوار وتأهلو لثمن النهاية قبل ما يلعبو اخر ماتش

في بداية الشوط الثاني من مباراة المغرب ضد الكوت ديفوار بملعب السلام بالقاهرة عن المجموعة الرابعة من كاس افريقيا للأمم كانت هادية. تسنينا حتى الدقيقة 48 بمجهود من حكيمي وتوغل ولكن خرجات، بعدها فالدقيقة 49 تعرض زياش للإصابة، ضربو مدافع ايفواري للوجه.
الشوط الثاني بدا بارد. احسن فرصة جات للمغرب فالدقيقة 62 بعد مجهود من زياش لبوصوفة لحكيمي اللي زگل التمريرة ومعاها تزگلات المحاولة.
فهاد عشرين دقيقة الاولى من الشوط الثاني دار الكوت ديفوار جوج تغييرات باش يقلب على التعادل ووالو، لمغاربة واقفين ليهم فالتيران مزيان حاضيين فاللور متحكمين فالوسط وكيديرو محاولات.
الايفواريون وقفو وكانت كورة زوينة من ديرار للنصيري دار ليها بحال مادجر، ولكن كان اورجو بعدها كانت محاولة فالدقيقة 67 من حكيمي وكان بيلانتي ولكن ما صفرش الحكم، وفالدقيقة 68 دارت الكوت ديفوار التغيير الثالث وتعطات صفرة لحكيمي.
الاسود تحكمو فالماتش فهاد الدقائق، مدورين الكورة، ضاغطين. تمريرة من أمرابط للنصيري ضربها براسو ولكن خارج الشبكة. فالدقيقة 74 خرج رونار زياش ودخل بوفال فاول تغيير ليه، وفالدقيقة 80 كانت محاولة ايفوارية مشات بعيدة على الشبكة.
بعدها بدقيقة خرج رونار امرابط ودخل مزراوي وفنفس الدقيقة زگل بلهندة بيت خرجو الحارس توش.
اخطر محاولة ايفوارية كانت فالدقيقة 88 بسيزو ضربها مهاجمهم وخرجها الحارس بونو.
خطأ فالتمريرة دارو بلهندة فالدقيقة 83 كان غادي يشكل خطورة، ساعة مشات كورة بالراس بعيدة، وفالدقيقة 91 ضرب مزراوي البارا وزگل الثاني للأسود، ورونار دار اخر خرج بوصوفة ودخل داكوسطا.
الهدف الوحيد ديال الماتش اللي ماركا النصيري فالدقيقة 24 من الشوط الاول اهل المنتخب للدور الثمن.