گالا: الملك محمد السادس والاميرة لالة سلمى طالع ليهم الدم من الاشاعة على الاميرين ولي العهد ولالة خديجة وها اش قالو

نشرت مجلة “گالا” ما وصفته بسكوب بخصوص ما نشر عن العائلة الملكية. المجلة نقلت عن المحامي الشهير ديبون موريتي تصريح بخصوص الملك محمد السادس والاميرة لالة سلمى. تصريح كيبان باللي كيرد على الاشاعات اللي نشراتها صحف اجنبية. البيان عبر من خلاله الملك والاميرة عن ادانتهما لما يتم الترويج له.
هاد التصريح وفق المجلة كيهدر على الاشاعات المغرضة اللي خرجات مؤخرا وهدرات على مضاربة على الامير مولاي الحسن ولي العهد والاميرة لالة خديجة وشي وحدين مشاو حتى باللي مشاو مع امهم الاميرة.
هاد الشي اعتبروه بجوج: الملك والاميرة والدة الاميرين كذوب واشاعة ما عندها لا ساس لا راس. وذكرو مالين هاد الاشاعة باللي هادوك امراء وان هاد الاشاعات عندها اهداف خبيثة بزاف.
المحامي قال ان هاد الافعال كيعاقب عليها القانون وباللي غادي يتم متابعة ماليها.
كما طالب من الجميع احترام العائلة وتمنى ان هاد التوضيحات تعرف الحقيقة وتسد الموضوع.
هاد الشي بان على عطلة الاميرة لالة سلمى مع ابنيها فجزيرة يونانية. عطلة مولفة كدوزها تقريبا سنويا ولكن هاد العام خدات الامور ابعاد اخرى.