واش شطيح فبيسين خاص ولى دعارة وعلاش البوليس كاع يفتح تحقيق ف”نيكي بيتش” وكيفاش حقوقيين خلاو المواضيع الخروقات ديال بصاح ومادينها فكيلوط راجل وواش هاد الشي ما غاديش يدگدگ السياحة؟

فيديوات فالواتساب. صورهم شي كليان ف”نيكي بيتش” فمراكش الاحد اللي فات وطلقهم ودارو الرواج بزاف البارح بين لمغاربة نوضو الصداع. شطيح بحال اللي كاين كاع فالدول اللي عندها السياحة تحول لدعارة. شطيح مثير وصافي ماشي دعارة ناضت عليه القيامة.
جريدة “الصباح” قالت فعددها ليومه الاثنين باللي مصالح الامن بدات التحريات فهاد المقاطع. المثير ان الجريدة قالت باللي كاينين شي حقوقيين طالبو بالتدخل والتصدي بهاد الشي اللي وصفوه والعهدة على الصباح”٬ بالدعارة الراقية.
اش واقع فالبلاد. كيفاش يكونو هادو حقوقيين وكيفاش شطيح ولى دعارة راقية. وا بوعوات الدعارة الراقية ما محتاجاش لفضاء بحال البيسين باش تمارس. ماليها عندهم لفلوس كثيرة باش يديرو اللي بغاو وما يشوفهمش كمامر بحالك.
اللي كيسيء لمراكش هو هاد التصرفات ديال نشر فيديوهات والسلطات تتبعهم ودير عقلها فيهم. يشطح لمرا يشطح لراجل هادا نادي خاص وهادو كليانات جايين من دول ومدن بعيدة٬ واش هاد الشي شغلو. ماشي دعارة
مواطن متصالح مع ذاتو كيشطح فأحد المنتجعات السياحية مع بنت حتى هي متصالحة مع ذاتها فمراكشللأسف التصالح مع الذات في المغرب خاصو شلا فلوس ومحرومة منو الفئات الشعبيةحتى حنا بغينا بحال هادشي فلمون ديال مهدية
Publiée par GOUD sur Lundi 26 août 2019
السياحة فالعالم كلو فيها امور كثيرة باش تخلي السياح يجيو. ودابا حتى بيسين فمراكش بغاو يسدوه.
اش هاد التخربيق اللي كينوض ايلى كان فيديو. ايلى تنشر فيديو. ياك السلطة كيكون فخبارها كلشي. كون عارفاه دعارة نهار ما يزيدش يحل.
عالم بالمقلوب وصافي وقولو السياحة عندنا ضعيفة وديروها بحقوقيين كيعتابرو الشطيح دعارة راقية وكيخليو المواضيع ديال بصاح فحقوق الانسان بحال تخلي الزفزافي وصحابو على الجنسية المغربية واسقاط البيعة ومواضيع اخرى تهم حقوق الانسان وديوها ببنت كتشطح مع راجل