ها فين غادي يتلعب “دومي فينال” ديال الكأس

لجنة البرمجة التابعة للجامعة الملكية المغربية لكرة القدم، أعلنت عن مكان وموعد نصف نهائي كأس العرش للموسم الجاري.
الجامعة حددت نهار 9 و10 نونبر المقبل في كل من ملعبي مراكش وطنجة.
الاتحاد البيضاوي، المنتمي إلى القسم الثاني، ولي تأهل على حساب الاتحاد الزموري للخميسات، بعدما فاز عليه بأربعة لجوج، غادي يلعب كونتر الدفاع الحسني الحديدي نهار 9 نونبر بملعب طنجة الكبير مع السبعة ديال العشية.
اما حسنية اكادير، لي تاهلات على حساب اتحاد طنجة، غادي تلعب ضد المغرب التطواني، الفائز على سريع وادي زم، بملعب مراكش الكبير نهار 10 نونبر مع السبعة ديال العشية.
وسبق للجامعة أن أكدت أن ملعب المجمع الرياضي الأمير مولاي عبد الله بالرباط غادي يحتضن المباراة النهائية لنيل لقب كأس العرش نهار 18 نونبر، لي كيتزامن مع عيد الاستقلال.