شكون عندو الهدف مورا هادشي؟.. إشاعة “مُولْ الشّاقُورْ” ركبات الرعب وسط المغاربة وكل مرة غادية لمدينة ودبا وصلات لفاس وصفرو.. مصدر أمني ل”كود”: كذوب هادشي وكاين أبحاث قضائية فهاد الاتجاه

بعد بني ملال ومراكش والناظور والفقيه بنصالح وتيكوين وغيرها من المدن المغربية، وصلت إشاعة “مول الشاقور” إلى مدنيتي فاس وصفرو، خالقة حالة من الرعب والهلع في نفوس الساكنة الفاسية والصفروية، سيما النساء اللي كيقولو أن هاد السفاح كيعتدي غير عليهم. لكن السؤال هنا هو شكون عندو الهدف من التأثير سلبا على الشعور بالأمن لدى المواطنين.
منذ الساعات القليلة الماضية يتم تداول تسجيل صوتي على تطبيق الترسال الفوري “واتساب”، تزعم فيه سيدة أن سفاحا يرتدي لباس نسائيا وداير اللثمام وداير الليغات وبغا يخطف شي بنت، مؤكدة ان والدتها أغمي عليها على مستوى طريق صفرو، بالقرب من مسجد الأبوين.
ومن خلال التسجيل الصوتي، الذي توصلت به “كود”، تطالب هاد السيدة من الناس باش ميخرجوش من المنازل ديالهوم. وحذرت من خطورة هاد السفاح، زاعمة أن والدتها هي من أكدت ليها هادشي، بعدما ظهر هذا الملثم، مضيفا أن حي النرجس كان خاوي من الناس لحظة وقوع هاد الحادث الإجرامي المزعوم.
وتناسلت منذ الأيام القليلة الماضية إشاعة “مول الشاقور”، وانتشرت كالنار في الهشيم بعدد من المدن المغربية. بطبيعة الحال المديرية العامة للأمن الوطني متابعة هادشي وكاين تحقيقات باش تعرف شكون هي هاد الجهة اللي واقفة وراء هاد الإشاعات التي من شأنها نشر الرعب والهلع والإحساس بانعدام الأمن.
وفي مقابل ذلك، أكد مصدر أمني ل”كود”، أن السجلات الممسوكة والمعطيات المتوفرة لدى مصالح الأمن بفاس، أظهرت عدم تسجيل أية واقعة إجرامية من هاد الشكل سواء بحي النرجس أو باقي الأحياء التابعة للنفوذ الترابي للمناطق الأمنية الأربعة.
وأكد المصدر الأمني، ل”كود”، أن المصالح الأمنية المختصة فتحت أبحاثا قضائية تحت إشراف النيابة العامة المختصة لتحديد الخلفيات الحقيقية لطرح هذه الإشاعات الكاذبة، ورصد المتورطين في ترويجها.