واش الداودية بصح قوداتها وسبات المغرب كولو.. وقالت للسواعدة: ولادكم عندنا وبناتنا عندكم

تعرضات زينة الداودية لموجة كبيرة من الانتقادات على مواقع التواصل الاجتماعي، بعدما تداولوا كلام قالتو فنهاية الحفل اللي نظماتو فالسعودية، لبارح الخميس، واعتبروه مسيء للمغرب.
وتناقلوا رواد العالم افتراضي فيديو للداودية، وقالو البعض انه تم تحريفو من خلال وضع الكلمات اللي تلفظات بيهم أسفل الفيديو وتغيير بعضها، وكتبو “الشعبين المغربي والسعودي عينين لرأس واحدة، حيث مشاركين اللحم والدم، و”ولادكم عندنا وبناتنا عندكم”.
الداودية زادت قوداتها قالت للسواعدة بناتنا عندكم وولادكم عندنا
Publiée par GOUD sur Vendredi 24 janvier 2020
هاذ العبارة بالذات عرضات الداودية لانتقاد كبير، حيت كولشي فهم منو أن بنات المغرب كيمشيو للسعودية من أجل ممارسة الدعارة، ورجال السعودية كايجيو للمغرب باش يقصرو معاهم.
ومن خلال سماع الفيديو بالعرض البطيئ كاين اللي قال ان الداودية قالت فالأصل عبارة “ولادكم عندنا وولادكم عندكم”، وكاين اللي اكد انها قالت “ولادكم عندنا وبناتنا عندكم”
وفاتصال “كود” مع المسؤول الإعلامي ديال الداودية، أكد لينا أن الداودية ماقصداتش أي إساءة.
وللإشارة، فالداودية تلقات انتقادات كثيرة منذ إطلاقها لأغنية “سلمان الحزم” اللي أهدتها للعاهل السعودي فمطلع هذا العام.