فعايل الامير السعودي مول المنشار فين كتوصل. المغرب سحب كاع قواتو من اليمن بسباب “المواقف العدائية” للسواعدة

المغرب ينسحب رسميا من التحالف العسكري اللي كتقودو السعودية ضد الحوثيين فاليمن. هاد الشي قالتو “اصوات مغاربية” ديال “سوا” الامريكية. الخبر جا يؤكد حالة الجفاء الكبيرة بين المغرب والسعودية. التبرهيش السعودي مشى بعيد ماشي غير التصويت ضد المغرب فمونديال 2026 وقيام الرياض بحملة كبيرة لصالح امريكا ضد المغرب بل الاخطر هاجم المغرب ف”العربية” ديالهم وقطع الخارطة ديالو وولى يناقش “الصحراء الغربية”.
المغرب كان وقف جميع العمليات الميدانية فاليمن منذ مدة وخلى القوات ديالو فالامارات العربية المتحدة واقتصر دور المغرب مؤخرا على دعم لوجستيكي وتدريبات ومعلومات. دابا هاد الشي كيعني ان القوات المغربية كلها غادية تدخل للبلاد
مصدر ل”كود” برر هاد القرار ب”المواقف العدوانية غير المبررة ولا اللائقة بتاريخ طويل من الاخوة والتعاون”.
فالحقيقة من نهار وصل هاد ولي العهد محمد بن سلمان للحكم الفعلي والعلاقات فتراجع.
المغرب تأخر بزاف باش ينساحب من اليمن. جرائم انسانية وقعات فهاد الحرب وماشي فصالح المغرب