شوف مزيان هاد الأرقام المخيفة..ورجع للفيديو ديال هادوك السيدات.. و ضحك عليهم وكتب لهم هيهيهيهي شكون لي غادي يديها فيكم ويتحرش بكم

بعض التعليقات على هاد الفيديو ديال “المغتصب هو نتا” :
* مولات الشعكوكة ايلا تحرشتي بيها خاصهم ايعطيوك وسام
* اصلا لي غادي يتحرش بيك خاصو الحبس
* هديك الشارفة شكون غادي يزعم يغتصبها
* أش غادي تغتصب فهادي لي لي سيقاهم هيهيه ما بقا حد مسوق ليها
⠀⠀ شنو فعلا واقع في المغرب ؟⠀
– 21 سبتمبر 2019 العشرات يتناوبون على اغتصاب سيدة “عجوز” يوميًا بواد زم
⠀
– 19 مارس 2019 أوقفت عناصر الدرك الملكي رجلا خمسينيا، بتهمة اغتصاب عجوز، وذلك بإنزكان أيت ملول. وفي التفاصيل، وحسب مصادر سوس 24، فإن إمرأة في عقدها السادس، تعاني إعاقة بأطرافها السفلى، تقدمت بشكاية لدى محكمة الاستئناف بأكادير، تتهم فيها أحد الجيران، بالتسلل ليلا إلى منزلها، والذي تقطنه رفقة أخيها الضرير، ليقوم باغتصابها.
⠀
– 6 فبراير 2019 شاب عشريني يغتصب سيدة مسنة تجاوز عمرها 118 سنة بالمحمدية
⠀
– 25 ديسمبر 2018 منطقة سبت الكردان بإقليم تارودانت تهتز على وقع اغتصاب ثلاثيني لحماته العجوز
⠀
– 11 ديسمبر 2017 إغتصاب عجوز (ف.ل) (86 سنة) تقطن بدوارأولاد بن يرو بتراب جماعة أولاد احسين في ليلة عيد المولد النبوي، من طرف تلاثة شبان أعمارهم تباعا، 18 سنة و28 و29،
⠀
– 22 سبتمبر 2017 أكّدت مصادر مطّلعة، اغتصاب امرأة عجوز 82 عامًا في إقليم شيشاوة، على يد رجل خمسيني، مشيرة إلى أنّه تم تحويل المتهم إلى الوكيل العام في محكمة الاستئناف في مراكش
⠀
– 2 أكتوبر، 2015 أعلنت مديرية الدرك الملكي أن عجوزا في التسعين من عمرها تعرضت للاغتصاب بدوار ولاد يوسف بمدينة بوزنيقة من طرف ثلاث أشخاص.
⠀
– 12 أكتوبر 2012 قام شخص مجهول باغتصاب امرأة عجوز في عقدها الثامن، بجماعة تكات نواحي الصويرة
⠀
⠀
وإذا زدتي قلبتي في كوكل، غادي تلقى العشرات إلى ما كانوش المئات من أخبار الإغتصاب لنساء كبارات في العمر وحتى من ذوي الإحتياجات الخاصة، بلا ما نهدرو على القاصرات و الأطفال.
⠀
الإغتصاب و التحرش الجنسي عمرو كان كيوقع بسبب شنو لابسة المرأة ولا واش زوينة أو لا،
⠀
الإغتصاب والتحرش كيوقع بسبب نفسية المغتصب والسيكلوجيا ديالو لي خلاتو يقدر يدير هاد الجريمة ، المغتصب لي يقدر يغتصب بنت صغيرة كما يقدر يغتصب إمرأة شرفة أو وحدة مريضة فيها متلازمة داون.
وكتكون عندو عوامل اجتماعية بحال انعدام التربية، ولا التفكك الأسري، و لا كيكون ضارب المخدرات، وكاين العوامل النفسية أو المرضية.وكاين ارتباط الاغتصاب بإنتشار الثقافة المجتمعية لي كتبرر الاغتصاب وكتلوم الضحية بدل المجرم، ثقافة “عيبنا واحد” لي كتعطي للمغتصب شعور بأنه يمكن ليه يفلت من العقاب القانوني والمجتمعي وكيخليه يلغي الرادع للتصرف ديالو.
⠀
⠀فماشي مشكل نضحكو على فيديو هاد العيالات لي بغاو يوصلو فكرة عن طريق فيديو تدار في دول أخرى من طرف نساء كيعانيو من نفس المشكل في مجتمعهم،
وهانية نضحكو على طريقة تقديمهم للموضوع لي ما مولفينش نسمعوها،
⠀
غير بنادم يكون واعي شوية بأن دكشي لي كيهدرو عليه هو فعلا مشكل كاين في المغرب،
وبزاف ديال العيالات ما كيحسوش في الأمان في التاكسي ولا في الزنقة ولا حتى في الدار.
⠀
وغير باش تعرف حجم هاد البلان ديال التحرش لي كيجيك بسيط ومنعدم في المجتمع، ف في إحصائية دارتها المندوبية السامية للتخطيط، أنه في عام واحد، 827 ألف امرأة مغربية تتراوح أعمارهن بين 18 و64 عاما، تعرضن مرة واحدة على الأقل خلال 12 شهر لسلوك "التحرش الجنسي".
⠀
بين ال827 ألف حوالي 372 ألف امرأة تعرض لفعل "التحرش الجنسي" بالأماكن العامة و32 ألف منهن بمقرات عملهن، فيما تعرضت 15 ألف فتاة بالمؤسسات التعليمية لأعمال تدخل ضمن نطاق التحرش الجنسي.
و عدد النسوة اللائي يتعرضن لممارسات العنف الجنسي داخل بيت الزوجية في المغرب بحوالي 444 ألف امرأة.
⠀
⠀شوف مزيان في هاد الأرقام المخيفة لي غادي تكون قل بزاف من شنو واقع بصح، ورجع للفيديو ديال هاد السيدات، و ضحك عليهم وكتب لهم هيهيهيهي شكون لي غادي يديها فيكم ويتحرش بكم