كتزيد تغرق راسها.. أول تعليق ديال زينة الداودية على تصريحها فالسعودية فاش قالت: ولادكم عندنا وبناتنا عندكم – فيديو

المغنية الشعبية زينة الداودية عوراتها هاد السيمانة ملي كانت في الرياض وقالت للجمهور السعودي “ولادكم عندنا وبناتنا عندكم”، وهادشي لي جر عليها انتقادات كبيرة بزاف، وكولشي فهم من كلامها أن بنات المغرب كيمشيو للسعودية من أجل ممارسة الدعارة، ورجال السعودية كايجيو للمغرب باش يقصرو معاهم.
الداودية دارت البارح الأحد بوسط في ستوري الانستكَرام كتقول فيه نفس الكلام ملي كانت في الجزائر وهادشي فسراتو بأنه عادي وماقاصدة منو والو.
View this post on Instagram
،#ديماااااا_الداودية ????????⁩????????????????????????⁩اسمع وتمعن الكلام ،وفي هاد الفيديو لا توجد موسيقى #لتخلخل #سمعكم #الناقص ، هاهي #زينة_ #الداودية تتقول نفس الكلمة #ولادكم_عندنا و #ولادنا_عندكم بصوت واضح جداااااااا ، هي كلمة قالتها الفنانة المغربية بكل عفوية وبكل حسن نية ،لأنها ببساطة تتحدث عن #العرب_والمسلمين_عامة ????
A post shared by Mo Un Ia (@mounia_sakkah) on Jan 26, 2020 at 1:40pm PST
الفيديو لي حطاتو واحدة من المعجبات كتبات عليه “كانت قالتها حتال الجيران يعني مقصدات والو. عادي”. والداودية لي عاودات بارطاجات الفيديو كتبات “الحقيقة في دقيقة”.
وكان المسؤول الإعلامي ديال الداودية، أكد ل “كود” في اتصال سابق أن الداودية ماقصداتش أي إساءة.
وهاد الحالة ناضت عليها مباشرة بعدما خرجات أغنية "سلمان الحزم" اللي غنات فيها على الملك السعودي وبزاف ديال الناس انتاقدوها عليها.