مستشار حكومة إسرائيل: البوليزاريو وعسكر الدزاير غير شمايت.. وإسرائيل ديما واقفة مع المغرب فقضية الصحراء

إيدي كوهين، مستشار الحكومة الإسرائيلية والإعلامي الإسرائيلي، خرج بتويت جديد ف”تويتر” باش يتكلم تاني على علاقة المغرب بإسرائيل ومساندة هذ الأخيرة ليه ضدا فالبوليزاريو، وهذ المرة التغريدة كانت بالدارجة المغربية.
وقال كوهين، فالتويت اللي نشرو لبارح بالليل: “دولة إسرائيل وميريكان ديما واقفين مع المغرب فقضية صحراء، والپوليزيرو شمايت هوما و ݣاع دوك لعساكرية ديال دزاير الفرونكوفونيين لي كايضربو فلوحدة ترابية ديال جيرانهم”.
دولة يسرائيل ???????? و مريكان ???????? ديما واقفين مع لمغرب ???????? فقضية صحراء و لپوليزيرو شمايت هوما و ݣاع دوك لعساكرية ديال دزاير ????????????????لفرونكوفونيين لي كايضربو فلوحدة ترابية ديال جيرانهم .. ياك ݣاع نقولو عار جار على جارو
و لي دار دنب يستاهل لعقوبة ..
— إيدي كوهين אדי כהן ???????? (@EdyCohen) February 17, 2020
واستنكر كوهين، بنبرة ساخرة، دعم الجزائر للبوليزاريو، وقال: “ياك ݣاع نقولو عار الجار على جارو.. واللي دار الذنب يستهل العقوبة”.
وبدون شك فكوهين اختار الحديث بالدارجة المغربية فالتويت باش يخاطب المغاربة ويوصل رسالتو لشريحة كبيرة منهم.
وغير هذ الصباح، بارطاجا مستشار الحكومة الإسرائلية تصويرة صديق إسرائيلي ليه اسمه جيكوب بيريز مصور فيها زلافة دالحريرة مع الشباكية فواحد من المطاعم المغربية، الشي اللي كيعني أنه معجب بالثقافة المغربية، وكيطمح للصداقة ديال إسرائيل مع المغرب.
دلحريرة كنعشقها بزاف ???? pic.twitter.com/bXLMff5Mcb
— چيكوب بيريز ג'קוב פרז ✡︎ ???????? (@JCBPerrez) February 18, 2020
وكان كوهين ثار الجدل مؤخرا، من بعد ما نشر تغريدة ف”تويتر” فالأيام القليلة اللي فاتت، كيقول فيها: “قنصلية الولايات المتحدة الأميركية إلى الصحراء المغربية وسفارة إسرائيل إلى الرباط قريبا جدا”.
كوهين دار هذ التدوينة من بعدما نشر موقع “أكسيوس” الميريكاني خبر يفيد بللي إسرائيل وميريكان كيناقشو اتفاق باش تعترف واشنطن بسيادة المغرب على الصحراء مقابل تطبيع الأخير مع إسرائيل”.