اللعابة ديال المنتخب محاصرين فالطاليان بسبب كورونا.. امرابط وبوربيعة وكيين ممنوع يدخلوا للمغرب ورونالدو هرب بجلدو بطيارتو الخاصة

وضعية خايبة كيعيشها لاعبو المنتخب الوطني المحترفين فالطاليان، بعدما قررت السلطات الأمنية منع لاعبين وفرقها من مغادرة ايطاليا بسبب تفشي وباء كورونا.
لاعبو المنتخب الوطني المحترفين فالكالشيو، بحال سفيان أمرابط والمهدي بوربيعة وسفيان كيين أصبح التحاقهم بتجمع الأسود شبه مستحيل فهاد الظرفية، اللهم إلا وقعات شي مستجدات في ٱخر لحظة، والسبب أن الحكومة الإيطالية دارت الحجر الصحي على بزاف ديال المدن منها ميلان وطورينو وبريشيا وغيرها.
القضية تعقدات أكثر فاش إيطاليا فرقها من التنقل لخوض منافسات الاتحاد الأوربية ووقفات حركة الطيران، وبالتالي أصبح اللاعبون محاصرون فالطاليان وممنوع عليهم يدخلوا للمغرب، وحتى لارام علقات كل الرحلات من وإلى إيطاليا.
وربما قد يفكر اللاعبون المغاربة في وسيلة أخرى من أجل الهروب من جحيم فيروس كورونا المنتشر فالطاليا، كيفما دار كريستيانو رونالدو لهرب بولادو وصاحبتو البرتغال، لكن هو عندو طيارتو الخاصة اللي نفعاتو باش يهرب بجلدو.