الوزير أمزازي في حوار مع “كود”: كاين إقبال كبير على لقراية عن بعد وميمكنش نقولو دبا واش نجحنا أو لا ونفكر الآن في حلول إضافية حقاش كاين الضغط

مرت ثلاثة أيام على على قرار وزارة التربية الوطنية والتعليم العالي والبحث العلمي والتكوين المهني، المتعلق بتعليق الدراسة عن بعد، وذلك في في إطار التدابير الاحترازية الرامية إلى الحد من العدوى وانتشار “وباء كورونا” (كوفيد-19). لكن هادشي واش غادي ينجح أو لا؟.
“كود” أجرت حوار مع الوزير الوصي على قطاع التربية الوطنية والتعليم العالي والبحث العلمي والتكوين المهني. المسؤول الحكومي أكد أن هناك إقبال كبير في صفوف التلاميذ والطلبة على التعليم عن بعد.
سؤال: واش كاين إقبال ديال التلاميذ والطلبة باش يقراو عن بعد؟
جواب الوزير أمزازي: نعم هناك إقبال كبير لجميع التلاميذ والطلبة للدراسة عن بعد والدليل على ذلك هو العدد ديال الزائرين على مواقع التعليم عن بعد تجاوز 400 ألف والبارح ليلاً كان ضغط كبير على السيستيم حتى طاح، نكفر حاليا في حلول إضافية حتى نتمكن من توسيع الطاقة ديال الولوج نفس الوقت.
سؤال: واش كتشوف أن هاد الخطة ديال التعليم عن بعد غادي تنجح؟
جواب الوزير أمزازي: نحن في اليوم الثالث وليس بإمكاننا الحديث عن نجاح المبادرة لكن كاين حماس وكاين جدية يشتغلون بها الفرق التنقية والأساتذة وجميع المعنيين، وهناك من يتوجه إلى المؤسسات التعليمية ويبعث للوزارة لكي تعمل على نشرها في البوابة وهناك من يسجل من منزله، وهناك انخراط كبير جدا، من 8 و30 دقيقة ديال الصباح حتى 11 و30 دقيقة ليلاً.
سؤال: واش الآباء وأولياء التلاميذ واعيّين بأن ولادهوم ماشي في عطلة الآن؟
جواب الوزير أمزازي: الآباء وعايين وأود من هنا التنويه لهاد المبادرة، وطلبنا منهم في الأول ينخرطو معنا فهاد العملية ويبرمجو الفترة الزمنية ديال وليداتهم ويديرو بحال يلا راهوم ف المدرسة، منين يفيقو يفطرو ويمشيو يقراو، مع مراقبتهم من قبل الآباء الذين يؤكدون عن ارتياحهم.
سؤال: بالنسبة للمناطق اللّي مافيهاش الأنترنت؟
جواب الوزير أمزازي: كاين قناة “الرابعة” الآن التي سيتم توسيعها، وحتى اللي معندوش التلفاز راه كاين الكتاب المدرسي وبالمجان في إطار المبادرة الملكية لمليون محفظة.