كَاورية فيها"كورونا" فضحات الوضعية المكرفصة ديال صبيطار الحسن الثاني فأكادير.. والمدير الجهوي ل"كود": درنا السيدة فالشومبر اللي صورات مؤقتا وحولناها لجناح نظيف ومجهز فنفس اليوم

نشرات فرنسية، جات للمغرب مؤخرا، وعرفات منبعد بللي تصابت بفيروس "كورونا" المستجد هي وراجلها المغربي، تصاور صادمة على فيسبوك ديالها، لبارح الخميس، كتبين فيهم الحالة الكارثية ديال مجموعة من الشومبرات فالمستشفى الإقليمي الحسن الثاني فأكادير، واللي فيه كتتعالج هي وراجلها وكتدير الحجر الصحي.
Voila comment on nous traite à hassan 2 agadir
Publiée par Sabine Joga sur Jeudi 19 mars 2020
الفرنسية صابرين، اللي دخلات للمستشفى قبل من راجلها الحسين فالثلاثاء 17 مارس، كانت كاعية من الحالة ديال الشومبر اللي ناعسة فيها، ومن الطواليطات، وقالت بللي كلشي موسخ، وليفام دميناج مكاينينش، والماكلة اللي كاتعطى ليها باردة ومازويناش.
Nos conditions de vie ici sont honteuse .Pas de douches , toilettes bouché.PAs de boissons chaudes aux petit dej Hygiène infectieuse dans l établissement. BREF JE PETE LES PLOMBS
Publiée par Sabine Joga sur Jeudi 19 mars 2020
المسؤولين فالمستشفى تفاعلو بشكل سريع مع المنشورات ديال صابرين ف"فيسبوك" والتصاور اللي لاحت، وداوها لمكان أفضل بكثير، واللي صوراتو وأكدات على أنه نقي وزوين وحسن من اللول، قبل ما يلتحق بيها راجلها اللي عاد تبين أنه مصاب لبارح الخميس 19 مارس.
Voila nos toilettes
Publiée par Sabine Joga sur Jeudi 19 mars 2020
وفسؤالنا للمندوب الجهوي للصحة فأكادير على صحة هذ التصاور، قال رشدي كَدار بللي فعلا صحيحة، لكن الكَاورية راها بدلات الرأي ديالها منين تم تحويلها لشومبر أفصل، واللي كتتواجد فالمرافق الخاصة بالمستشفى نفسو.
Voila notre sort .Aucun femmes de ménage pas huile essentielle de tisane ..monsieur le Consulat d Agadir Que faite vous Rico Furler est ici depuis 5 jours
Publiée par Sabine Joga sur Jeudi 19 mars 2020
وأكد كَدار بللي توضعات الكَاورية فهذيك البلاصة فاللول غير ريثما يوجدو ليها الشومبر ديالها الخاصة ويجهزوها ليها، وماكملاتش فيها كثر من 4 ساعات حتى تنقلات للجناح الآخر، وأكد بللي هذاك الجناح اللول خاوي ومافيه حد وكيخضع لإصلاحات.
Et voilà ❤❤nous sommmes hospitalisé dans des conditions confortables maintenant ..Merci ????
Publiée par Sabine Joga sur Vendredi 20 mars 2020
وكان خالد آيت الطالب، وزير الصحة، عفى مدير المستشفى الجهوي الحسن الثاني، عبد العزيز الريماني، من المنصب ديالو، وعين المدير الإقليمي للصحة بأكادير، سعيد بوجلابة، فالمنصب ديالو، بعدما قام بزيارة مفاجئة لهذ المستشفى، ولقاه فوضعية كارثية.