وا الدولة وا الدولة وراه صفحة رئيس الدولة كتستغل باش دوز الدجل. ها راني بلغت. راه البحري كيستغل "صفحة محمد السادس" باش يقول تفاهات على "كورونا" والعجز الجينسي. وشوفو وحكمو وا الدولة

دابا حنا فهاد الرغبة المغربية العامة باش نخرجو من هاد قضية "كورونا فيروس" باقل الخسائر وشي وحدين كيضربو هاد المورال الجمعي. هاد بنادم بحال سفيان البحري خاص يتخاد قرار فالدولة. بغى يدير حساب ديالو بوحدو من حقو. يكتب تفاهاتو من حقو. غير هو مسموح ليه بوحدو دون غيرو يكون عندو صفحة "محمد السادس" صفحة رئيس الدولة. قلناها مئات المرات راها اهانة للمغاربة كلهم يكون واحد بحالو عندو صفحة باسم رئيس الدولة.
هادي خاصها تكون صفحة رئيس الدولة يسيرها فريق خاص.
هاد بنادم ووظف اسم الملك كيف كيبان فالصورة اللي درناها٬ كتب تفاهة كتبين مستواه. قال باللي "الشباب اللي ما بغاوش يلتزمو بالحجر الصحي بغيت غير نقول ليكن اذا جاتكم كورونا واخا تشافا غادي يبقى عندك حجز جنسي كامل ويجيك العقم" ونسب هاد الشي ل"عدة مصادر".
هادي يا بنادم صفحة فيها "ملك المغرب محمد السادس" كتنشر هاد الدجل. وا عيقتو وا باراكا. شوفو غير الجو اللي كاين فهاد البلاد باش تكون فرصة ديرو التعقيم لاي صفحة عندها علاقة برئيس الدولة. ايلى نشر هاد الدجل فصفحتو الرسمية حتى حد ما يديها فيه. وتحركو يا اللي مكلفين ووقفو هاد النوع من الدجل وحميو رئيس الدولة من استغلالات مماثلة.
رابط الصفحة فين خرج