كشف مصدر حكومي ل"كود"، أن تمديد فترة حالة الطوارئ الصحية وارد جدا، وبأن الحكومة غادي تمشي ليه بعد 20 ماي الجاري. مصدر "كود" أكد بأن هادشي راجع للمؤشرات ديال الحالة الوبائية فالمغرب، وبوجود فئات كبيرة في مدن مغربية لا تحترم الحجر الصحي. وأكد المصدر نفسه ل"كود" أن هاد الفئات كما ظهر في مجموعة من الفيديوهات بعدد من المدن المغربية بحال كازا وفاس والقنيطرة، كيشكل خطر على الصحة العامة، موضحا أن الحالة الوبائية اللي غاديين فيها مزيانة لكن كتبان بؤر بين الفينة والأخرى اللي سببها هو عدم احترام الحجر. ودعا المسؤول الحكومي جميع المواطنين إلى الاتزام بالتدابير الوقائية والصحية اللي فرضتها الدولة باش نقدرو نتلغبو على جايحة "كورونا"، وترجع الحياة بشكل شبه طبيعي.