هذ الصباح، ماتسجلوش بالزاف دالإصابات بفيروس كورونا المستجد بالمقارنة مع الأيام اللي فاتو، بحيث تسجلو غير 146، وهذا كيدل على أن البؤر الوبائية بدات كتقل. بالنسبة لتوزيع الإصابات فالجهات، جهة فاسمكناس سجلات اكبر حصيلة يومية (38)، وصل المجموع فيها ل1460، تابعاها جهة العيون الساقية الحمرة ب34 إصابة جديدة، باش يوصل مجموع المصابين فيها ل638، ثم جهة طنجةتطوانالحسيمة اللي سجلات هاد الصباح 26 إصابة، ووصل فيها المجموع ل2571. وبالنسبة للجهات الأخرى، كازا سطات سجلات 22 إصابة ووصل المجموع ل3561، وجهة مراكشآسفي سجلات 14 ووصل المجموع ل2063، ثم جهة بني ملالخنيفرة سجلات 8 إصابات ووصل مجموع المصابين فيها ل153، وكلميم وادنون سجلات 3 ووصل مجموعها ل83 والرباط سلا سجلات إصابة وحيدة ووصل مجموع الإصابات فيها ل1994. أما بخصوص باقي الجهات، فالحالة الوبائية فيها ماطرا عليها حتى تغيير، وبالتالي بقا مجموع الإصابات فدرعة تافيلالت ف585، فالجهة الشرقية ف211، فجهة سوس ماسة 92، وجهة الداخلة واد الذهب 15. ولنا عودة مع باقي المعطيات الوبائية فالأقاليم والجهات بالتفاصيل فالعشية..