وضعية المغرب الوبائية فالعالم: جا فالمركز 60 فعدد الإصابات بكورونا و66 عالميا فالوفيات.. ومنظمة الصحة العالمية كتصنف بلادنا فالمرحلة الثانية من الوباء

قال معاذ المرابط، منسق المركز الوطني لعمليات الطوارئ العامة بوزارة الصحة، ان المغرب جا فالمركز 60 من حيث عدد الإصابات بفيروس كورونا المستجد على المستوى العالمي، والسابع على المستوى الإفريقي.
وقال المرابط، فالتصريح الأسبوعي حول الوضعية الوبائية دالمغرب، أن المغرب كيحتل المركز ال66 على المستوى العالمي و7 على المستوى الإفريقي على مستوى عدد حالات الوفاة بكورونا.
وبينما معدل الإصابة بالفيروس بكورونا فالمغرب وصل ل18,5 فالمية، معدل الإصابة فالعالم بلغ 234 لكل مئة ألف نسمة، ومعدل الفتك 4 فالمية (1,6 فالمغرب) ونسبة الاصابات هي 63 فالمية (72 فالمغرب).
ومنظمة الصحة العالمية صنفات لحد المغرب من بين الدول اللي وصل فيها الفيروس فالمرحلة الثانية، حسب آخر تقرير ليها ليوم الأحد.
والإصابات بكورونا فإفريقيا فتراجع طفيف، لكن جنوب شرق آسيا وأوروبا وأمريكا كيعرفو تزايد كبير فالحالات، من بعدما حققو بعض الانخفاض فيها مؤخرا.