البوليس دايرين استنفار على الخوا الخاوي.. مغاربة قالو غادي يديرو وقفة بسبب الغلى ديال فاكتورة الضو والما ف"ليديك" دولاد زيان وفاللخر ما جا حد – تصاور

اليوم الثلاثاء، كان من المقرر يديرو مجموعة من المواطنين المتضررين من غلاء فواتير الضو والما فولاد زيان، قدام مقر وكالة ليديك فالمنطقة، وقفة احتجاجية ينددو فيها بغلاء هذ الأسعار، لكن ما جا حد.
"كود" مشات لعين المكان وعاينات آش واقع، كاين غير طوموبيلات البوليس اللي دايرين استنفار أمني ودايرين بالوكالة، لكن المواطنين يالاه جا فيهم واحد جايب معاه الورقة ديال الضو والما كيوريها للصحافيين اللي جاو حتى هوما ويغوت ويبكي ويشكي، لكن من بعد فاش شاف القضية خاويا مشا فحالو.
الوقفة كانت من المقرر تكون مع 10:30، الصخافيين بقاو يتسناو حتى ل12 وما حا حد،والبوليس حتى هوما ماتحركوش من بلايصهوم.
وممكن يكونو المواطنين ماخداوش رخصة ديال هذ الوقفة الاحتجاحية، حيت صعيب السلطات ترخص لاعتصام من هذ القبيل فهذ الفترة ديال حالة الطوارئ الصحية اللي فرضها فيروس كورونا المستجد، كيف ممكن يكونو جاو الناس واخا ماعندهم حتى ترخيص، لكن سلتو فحالهم منين شافو البوليس والقاضية خاوية.
"لديك" خدماتها مستمرة بشكل اعتيادي، مجموعة من المواطنين شادين الصف ومحتارمين التباعد باش يخلصو فاكتورتهم، وحتى واحد فهذو ماعندو خبار على هذ الوقف اللي تم تداول الإعلان ديالها عبر تطبيق واتساب.